Në një status në rrjetin social Facebook, Braçe shkruan se Fullani duke u fshehur pas fjalës “Sekretin Bankar” refuzon të japë informacione të plota.
Sipas deputetit socialist dokumentet e dorëzuar nga Guvernatori Fullani nuk përbëjnë “sekret”. Ai ka akuzauar numrin një të BSH-së se refuzon të dërgojë në Kuvend informacionin për listën e punonjësve. Braçe shkruan se Guvernatori insiston të mbrojë tërësisht klientelizmin politik, e ndërsa thekson se nuk ka dorëzuar raportet e grupeve të punës të ngritura pas vjedhjes.
Të dielën deputeti i Partisë Socialiste, zbuloi se i kishte kërkuar Guvernatorit të BSh-së informacion lidhur me vjedhjen në institucionin më të lartë financiar në vend, dhe Fullani ka refuzuar të japë. Braçe vazhdimisht ka theksuar se Kuvendi ka tagrin për tu marrë me vjedhjen historike në BSH.
Redaksia Online
(g.f/shqiptarja.com)