POP 5

Lajmet më të lexuara të 5 minutave të fundit

Sport

Vllaznia e Europës, tifozët pritet të ndezin sonte Shkodrën! Laçi provon shanset në Moldavi: Duam kualifikimin sërish

Sonte Shkodra pritet të krijojë një atmosferë fantastike për ndeshjen e europiane të Vllaznisë kundër Kraivovës. Kapiteni i shkodranëve Erdenis Gurishta e pranon se rumunët janë favoritë, por thotë se fusha është ajo që vulosë fituesin. Ndërkohë Laçi është skuadra tjetër shqiptare që merr pjesë në turin e dytë kualifikues të Conference League dhe luan mbrëmjen e sotme.

Vllaznia nis sonte në orën 21:00 aventurën europiane në Conference League kundër Craivovës së Rumanisë, një kundërshtar më i fortë në letër se shkodranët, por te ekipi i drejtuar nga Mirel Josa ka shumë optimizëm. Një arsye e fortë është atmosfera shumë e ngrohtë që tifozët pritet të krijojnë në shkallët e stadiumit ‘Loro Boriçi’.

“Jam i sigurtë që Vllaznia ka ardhur në formë optimale. Them se pjesmarrja në turin e dytë na ka bërë mirë për faktin e kohës së mjaftueshme për t’u përgatitur,”-u shpreh Mirel Josa, trajner i Vllaznisë.

“Ajo është favorit në letër, me statistika, me buxhet, por në futboll nuk vendos buxheti apo vlera e lartë në transfermarket. Shpeshherë në futboll fiton ai që jep maksimumin dhe shpirtin në fushë,”-deklaroi Erdenis Gurishta, kapiten i Vllaznisë.

Ndërkohë po të enjten në orën 19:00, Laçi që është skuadra e vetme shqiptare që ka eliminuar një kundërshtar në Kupat e Europës, do të luajë në Moldavi kundër Petrocub. Ndeshja është e vlefshme për turin e dytë të Conference League dhe kurbinasit si në rastin e parë nuk janë favoritë, por pretendojnë se i kanë të gjitha mundësitë për të bërë sërish surprizën.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03