POP 5

Lajmet më të lexuara të 5 minutave të fundit

Sport

Vllaznia i mori kreun, trajneri i Egnatias: Na mungoi agresiviteti! Humbja me Teutën, Gvozdenovic: U goditëm në pikën më të fortë

Vllaznia i mori kryesimin e Superligës Egnatias pas fitores 3-1, teksa trajner i rrogozhinasve Edlir Tetova thotë se ekipit i mungoi agresiviteti.

Një Vllaznia e magjishme me gola spektakolarë mposhti 3-1 Egnatian në javën e 4 të Superligës, duke i marrë edhe kreun e renditjes.

“U kënaqa me shënimin e golit sepse më mungonte shumë dhe isha i gëzuar që ndihmova ekipin. Ishte një moment lirimi. Besoj e merituam plotësisht fitoren sepse ishim gjithë kohës shumë mirë, të mbledhur, taktikisht mirë, dëshirën e grintën për çdo top,”-u shpreh Esat Mala, futbollist i Vllaznisë.

“Mendoj se ishim shumë vonë në presing si skuadër dhe për topin e dytë. Nga kjo përfitoi Vllaznia,”-tha Edlir Tetova, trajner i Egnatias.

Në Korçë, për javën e 4 të Superligës, Teuta fitoi 2-3 me përmbysje kundër Skënderbeut.

“Për golin e parë jam mërzitur sepse goli i parë erdhi me goditje standarte dhe ne aty jemi të fortë. Ndodhi 5 minuta para mbylljes së pjesës së parë dhe do shkonim me avantazh në dhomat e zhveshjes,”-deklaroi Ivan Gvozdenovic, trajner i Skënderbeut.

“Lujtëm mirë, morëm 3 pikë të çmuara përballë një Skënderbeu shumë të fortë me thënë të drejtën,”-u shpreh Edi Martini, trajner i Teutës.

Sfida e parë e javës së 4 mes Bylisit dhe Tiranës u mbyll me shifrat 2-2, ndërkohë që sot në orën 19:00 Ilir Daja do debutojë si trajner i Dinamos kundër Partizanit në ‘Arenën e Demave’.

“Partizani dhe Egnatia janë dy ekipe që në këtë fillim jan pretendentë kryesor për të fituar titullin. Nisur edhe nga fakti që sezonin e kaluar luajtën finalen e ‘play-off’. Ne duhet të jemi pragmatist dhe të mos dalim pa pikë nga kjo ndeshje,”-pohoi Ilir Daja, trajner i Dinamos.

Ndeshja tjetër që kompleton javën e 4 të Superligës luhet po sot në orën 19:00 mes Elbasanit dhe Laçit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    SPAK merr të pandehur Berishën për korrupsion pasiv, si e vlerësoni?

Lajme të tjera



×

Lajmi i fundit

Dosja ‘Partizani’/ Dëshmia e Fatmir Bektashit në 2023 në SPAK: Malltezi dhe Begeja pronarë me 60% të aksioneve te ‘Homeplan’

Dosja ‘Partizani’/ Dëshmia e Fatmir Bektashit në 2023 në SPAK: Malltezi dhe Begeja pronarë me 60% të aksioneve te ‘Homeplan’

12 Shtator, 13:08