Vllaznia dhe Egnatia luajnë nesër në 18:00 në "Loro Boriçi" për javën e gjashtë në Superligë. Përpara ndeshjes për mediet foli trajneri i shkodranëve, Migen Memelli. Pogradecari vlerësoi kundërshtarin që kryeson renditjen me 10 pikë, teksa për të lojtarët që ka në dispozicion janë më të mirët.
Memelli tregon se Juric, Qarri dhe Asani nuk kanë gradë të lartë dëmtimi dhe do jenë së shpejti me grupin.
"Është ndeshje shumë e rëndësishme, jemi koshientë. Luajmë me vendin e parë dhe ata kanë cilësi individuale brenda. Këto ditë jemi munduar që të rikuperohemi me aq kohë sa kemi. Luajmë kundër një kundërshtari që është më i miri në Superligë. Në 12 ditë kemi bërë 3 ndeshje dhe jemi konsumuar fizikisht. Nga këto vijnë edhe dëmtimet. Kemi besim te pjesa tjetër e lojtarëve që kemi. Për çështje kartonash apo dëmtimesh, i vjen radha secilit dhe duhet të bëjë mirë për veten dhe klubin. Luajmë nga 102 minuta çdo ndeshje dhe konsumi është i madh", tha Memelli.
Më pas trajneri foli edhe për dëmtimet dhe ngjeshjen e kalendarit.
"Juric e kemi rikuperuar, Qarri nuk ka shkallë të lartë dëmtimi ashtu siç mendonim. Edhe Asani nuk do mungojë aq gjatë sa u tha në fillim. Gëzohemi që Qarrin do e kemi shpejt dhe ai ka bërë mirë këtë javë. Portieri është 50 përqind e ekipit dhe ai është një djalë fantastik që nuk dorëzohet kurrë. Për dy javë do e kemi", tregoi trajneri.
Për Memellin lojtarët që ai ka në dispozicion janë më të mirët në Superligë.
"Nesër na duhet loja në grup dhe të jemi solidë. Kundër Teutës të gjithë lojtarët ishin në lartësinë e tyre, jo sepse u fitua ndeshja, kishim krijmtari dhe raste të shumta. Na duhet larmia dhe kujdesi në dy fazat e lojës që të dalim me sukses edhe kundër Egnatias. Mua nuk më bind askush dhe them se lojtarët e Vllaznisë janë më të mirët në Superligë. Këtë bindje të kenë edhe lojtarët që të bëjnë mirë, kështu do shkojnë gjërat mirë. E them me bindje, Vllaznia ka organikë shumë të mirë, me lojtarë që ulin kokën dhe punojnë. Të gjitha skuadrat luftojnë", tregoi Migen Memelli.
Pas javës së pestë, Vllaznia me tetë pikë mban vendin e tretë, ndërsa Egnatia me dhjetë pikë kryeson Superligën së bashku me Tiranën.
Lajme të tjera
-
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Magjia e Krishtlindjeve në Shkodër, qytetarët shijojnë koncertin festiv para Bashkisë
25 Dhjetor, 12:10
-
‘Dhuratë zemre për Krishtlindje!' Gjimnazistët e Yzberishtit festojnë me fëmijët jetimë në Shkodër
25 Dhjetor, 11:06
-
Fushë-Arrëzi dhe Vau i Dejës kremtojnë Krishtlindjet me mesazhe shprese dhe paqe
25 Dhjetor, 11:00 -
Shkodër/ U plagos me armë zjarri, vihet në pranga 24-vjeçari pasi dha kallëzim të rremë! Autori ende në kërkim
25 Dhjetor, 10:58 -
Krishtlindja kremtohet edhe në Shkodër, qindra besimtarë morën pjesë në meshën e vigjiljes
25 Dhjetor, 10:43 -
Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
25 Dhjetor, 07:51 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Pamje magjike nga Hajmeli, 250 besimtarë krijojnë skenën e lindjes së Jezu Krishtit! Shfaqja ‘Betlehemi i gjallë’ merr vëmendjen e qindra vizitorëve
23 Dhjetor, 16:04 -
Shkodër/ Po dhunonte të atin dhe e kërcënonte për ta vrarë, policia arreston në flagrancë 29-vjeçarin
23 Dhjetor, 11:10 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52
