Vllaznia kampione kombëtare në boks për herë të 25, zv/trajneri: E vështirë, rrezikuam pjesmarrjen për shkak fondi

Vllaznia është ekipi kampion i Shqipërisë në boks. Shkodranët rrëmbyen titullin kundrejt Tiranës, pasi 7 sportistë të tyre arritën të triumfonin në kategori të ndryshme. Konkretisht, në ndeshjet e zhvilluara në pallatin e sportit ‘Farie Hoti’ në Tiranë, kampionë për Vllazninë u shpallën Rifat Bajrami, Emanuel Koço, Ani Haxhillari, Arjon Kajoshi, Senad Drini, Geljan Rajku dhe Nelson Hysa.

“E vështirë për faktin se u zhvillua në Tiranë, kishte të gjitha peshat dhe ishte e favorizuar nga ana ekonomike. Ka sjellë edhe boksierë nga jashtë me pagesa shumë të mira, por ne ia dolëm. Mund ta cilësoj si një prej kampionateve më të forta të zhvilluara në 32 vite,”-u shpreh Lazarin Vila, zv/trajner i Vllaznisë.

LEXO EDHE:
GOLAT/ S'ka fitues në derbi, Tirana dhe Partizani barazojnë 1-1 mes tensionit! Dinamo 'fundos' Laçin, Kukësi e Teuta ndahen në paqe

I gjithë ekipi i Vllaznisë fitoren ia dedikoi trajnerit Zef Gjoni për strategjinë e ndjekur në kampionatin kombëtar, ndërsa zëvendës trajneri zbuloi se në një kohë kur përgatiteshin për kampionatin ende s’e dinin nëse do merrnin pjesë.

“Ne deri 1 javë para kampionatit ishim në pikëpyetje nëse do marrim pjesë me ekipin e plotë apo jo sepse nuk kishim para. Sportet janë me projekte dhe ishin të mbyllura. Për rrjedhojë ishim shumë keq me bixhetin,”-tha Lazarin Vila, zv/trajner i Vllaznisë.

Për Vllazninë ky ishte titulli i 25 në histori, ndërsa Tirana që për pak e humbi organizoi një kampionat të shkëlqyer, që ofroi vetëm emocione dhe spektakël.

Ne.k./KT/Shqiptarja.com

TAG:
• tirana
• lazarin vila
• boks
• Vllaznia