Vllaznia, Laçi dhe Partizani fitojnë ndeshjet e kthimit, kualifikohen për në fazën e dytë të 'Conference League'

Vllaznia, Laçi dhe Partizani fitojnë ndeshjet e kthimit, kualifikohen për në fazën e dytë të 'Conference League'

Festa e Partizanit

TIRANË- 3 skuadra shqiptare kualifikohen në turin e dytë të Conference League. Vllaznia mban premtimin, përmbys humbjen kundër Shiroki Brijeg!

Laçi është kualifikuar në turin e dytë të Conference League, pasi ka përmbysur humbjen 1-0 kundër Podgoricës në ndeshjen e parë.

Në fazën tjetër e pret Craiovan e Rumanisë. Partizani nuk fal as në transfertë, mposht moldavët në shtëpi ku në turin tjetër e pret përballje e ferrit me Bazelin

Rendit zhvillimet sipas orarit:
Ora 23:05
Vllaznia mban premtimin, përmbys humbjen kundër Shiroki Brijeg! Kualifikohet në turin e dytë të Conference League

Pas Partizanit dhe Laçit edhe Vllaznia ka siguruar një biletë për në fazën e dytë të Conference League. Skuadra shkodrane ka përmbysur humbjen 3-1 në ndeshjen e parë kundër Shiroki Brijeg në Bosnje, pasi sonte në Shkodër ia doli me shifrat 3-0.

Në Loro Borici autorët e golave ishin Djurdjevic dopietë dhe Eni Imami. Në turin e dytë të Conference League Vllaznia do përballet me qipriotët e Ael Limasol.

Ora 22:57
Laçi përmbys në shtesë Podgoricën, kualifikohet në turin e dytë të Conference League

Laçi është kualifikuar në turin e dytë të Conference League, pasi ka përmbysur humbjen 1-0 kundër Podgoricës në ndeshjen e parë.

Në sfidën e kthimit të zhvilluar në Elbasan Arena kurbinasit kanë fituar me rezultatin 3-0 në shtesë. 90 minutat përfunduan me shifrat 1-0 falë golit të realizuar nga Deliu.

Në shtesë kualifikimin e vendosën Lushkja dhe Prengaj. Në turin e dytë të Conference League Laçi do përballet me Craiovan e Rumanisë.

Ora 20:57
Partizani nuk fal as në transfertë, mposht moldavët në shtëpi! Në turin tjetër përballje e ferrit me Bazelin

Partizani ka fituar edhe ndeshjen e dytë të turit të parë kualifikues të conference league. Skuadra shqiptare ka mposhtur në Moldavi 2-3 Stujnful Gheorge, që një javë më parë pësoi një disfatë 5-2 në Elbasan Arena.

Edhe sot, ashtu si në ndeshjen e parë ka shkëlqyer braziliani Junior, që realizoi dopietë.

Për rrjedhojë Partizani është kualifikuar në turin e dytë kualifikues me rezultatin e përgjithshëm 8-4. Në këtë fazë, që nis mesjavën e ardhshme Partizani do ketë një përballje ferri me Bazelin e Zvicrës.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ambasadori i Rumanisë: Shqipëria punë të mirë për kapitujt e integrimit! Reforma në drejtësi të jetë në ‘shërbim’ të shqiptarëve

Ambasadori i Rumanisë: Shqipëria punë të mirë për kapitujt e integrimit! Reforma në drejtësi të jetë në ‘shërbim’ të shqiptarëve