POP 5

Lajmet më të lexuara të 5 minutave të fundit

Kronikë

Vlorë, 36-vjeçari në koma, familja
apelon për ndihmë financiare

Familja Metushi ka vënë në dispozicion numrin e telefonit 068 22 35 352, për cilido që mund të kontribuojë me para për shpëtimin e jetës së 36-vjeçarit nga Vlora, baba i dy fëmijëve. VIDEO
 
VLORË- Një 36-vjeçar, Gentjan Metushi nga qyteti i Vlorës, prej 2 javësh po lufton me vdekjen, për shkak të një infeksioni të rëndë në veshka.
 
Ai aktualisht ndodhet në gjendje kome në një spital privat në kryeqytet, ndërsa trajtimi i tij mjekësor është tepër i kushtueshëm për familjen e tij.
 
Prindërit e Gentjanit, të pikëlluar për sëmundjen e të birit bëjnë apel për ndihmë, ndërsa lotët në sytë e tyre flasin më shumë se gjithçka.
 
“Djalin e kisha mire, një ditë i hipi temperatura e çuam në spital, mori disa ilaçe.E çuam në Tiranë, i bënë një dializë, kaloi në azotemi.
 
Tani e kaluan tek një spital privat për një dializë tjetër. Fillimisht kishte vetëm ethe dhe temperaturë. Më pas nuk reagoi fare. E nisëm urgjent në Tiranë te spitali  “Nënë Tereza”. Aty donin 180 euro, plus 3 mijë euro te spitali privat”, tregon i ati i pikëlluar.
 
 ”Sot ndodhet te spitali privat, është në gjendje kome. Nuk jemi në gjendje ta ndihmojmë. Ka dy djem të vegjël, mund t’i lerë jetimë.
 
Mjekët më thonë duhen lekë më shumë, dhe ne nuk kemi mundësi të paguajmë një shumë aq të madhe”, vijon i ati.
 
“Fillimisht mjekët i thonë për gjendje gripale, urinonte gjak. Më pas ra në koma. Nuk e përballojmë dot shërimin”, tregon nëna e të sëmurit.

Apelit për ndihmë i bashkohet edhe djali 10-vjecar i Gentjanit, dëshira e vetme e të cilit është shërimi i shpejtë i të atit. 

“Dua të më ndihmojnë babin, që të mos mbetem jetim” bën thirrje djali I 36-vjeçarit, Gentjan Metushi, i cili ndodhet në një spital privat në Tiranë.

Familja Metushi i bën apel kujtdo që ka mundësi financiare të kontribuojë për shërimin e djalit të tyre, t’i gjendet pranë në këto ditë të vështira. Apeli vlen edhe për instancat shtetërore, ndërsa vënë në dispozicion edhe numrin e kontaktit: 068 22 35 352, për të gjithë ata persona që kanë mundësi t’i vijë në ndihmë kësaj familje, përpara se të jetë vonë. 

Redaksia online
(esh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Në Korçë 893 abonentë pa energji! Pala greke ndalon hyrjen e kamionave dhe autobuzëve në Kapshticë

Moti i keq/ Në Korçë 893 abonentë pa energji! Pala greke ndalon hyrjen e kamionave dhe autobuzëve në Kapshticë

13 Janar, 09:52