Vlora qyteti me kriminalitetin më të lartë, por pa prokurorë! KLP: Në korrik do të emërohen magjistratë të rinj

Aktualisht janë vetëm 11 prokurorë pranë Gjykatës së Shkallës së Parë në Vlorë nga 17 që duhet të ketë kjo trupë. Problematika e shkaktuar nga vetting-u vihet re në të gjitha prokuroritë e rretheve

"I tërë sistemi i drejtësisë ka mungesa te theksuara sidomos prokuroritë e rretheve janë shumë të ngarkuara. Në këto kushte do e zbusim pak me magjistratët e rinj që do të emërohen në korrik, presim që ata të amortizojnë problematikën , por gjithsesi nuk është se zgjidhet kjo çështje."

"Komisioni i kualifikimit nuk ka lidhje me këshillin e lartë të prokurorisë është institucion më vete i cili merret me verifikimon e gjyqtarëve dhe prokurorve por gjithsesi përderisa ligjvënësi e ka shtyrë me dy vjet mandatin , do të thotë që ka krijuar problematika, pasi nuk është aspak e lehtë për të verifikuar secilin magjistrat."

LEXO EDHE:
Gjipe/ Po ndërtonin 4 beach bar-e pa leje, arrestohet një person, në kërkim 3 të tjerë

Këtë deklaratë numri dy i Këshillit të Lartë të prokurorisë e bëri pas prezantimit të kreut të ri të prokurorisë së Vlorës, Aurel Zarka, i cili foli për punën e sforcuar.

"Duke pasur parasysh që ka një mungesë të theksuar prokurorësh, jemi më pak se gjysma , i bie që një prokuror bën punën dyfish. Me ndihmën dhe të institucioneve dhe mirëkuptimin e qytetarëve mendojmë ra përballojmë derisa të plotësohet trupa."

Zarka merr drejtimin e prokurorisë së shkallës së parë Vlorë pas komandimit të Erion Çelës si prokuror pranë Apelit të Vlorës.

SI.E./Sh.Sh/Shqiptarja.com

TAG:
• tartar bazaj
• Aurel Zarka
• reforma ne drejtesi
• Vetting
• KLP
• Vlore