POP 5

Lajmet më të lexuara të 5 minutave të fundit

Sociale

Vlorë, 75 familje marrin banesa sociale nga bashkia! Kryebashkiaku Dredha: Përfitues janë kryesisht çiftet e reja

Familjet e para perfituese janë kryesisht, çifte të reja, anëtarë të komunitetit rom dhe disa qytetarë që kanë mbetur të pastrehë pasi shteti ka shembur shtëpitë e tyre për të ndërtuar rrugë e vepra publike

Në Vlorë janë ndërtuar banesat sociale në lagjen “28-nëntori”, njohur si zona e ish-frigoriferit në Vlorë. Pallati i parë ka përfunduar dhe është shpallur lista e fituesve nga Këshilli Bashkiak i Vlorës. Në një interviste për mediat, kryebashkiaku i Vlorë, Ermal Dredha tha se janë 75 famije që përfitojnë shtëpi me kredi të butë.

  “Nuk janë banesa falas, por bashkia luan rolin e ndërmjetësit me entin e banesave. Këto familje marrin banesa me çmimin e Kostos së ndërtimit, 618 mijë lek të vjetra për me metër katror. Por ata duhet të plotësojnë dhe kriterin e të ardhurave financiare që e kërkon banka për të përfituar kredi të butë” thotë Dredha.

75 familjet e para perfituese janë kryesisht, çifte të reja, anëtarë të komunitetit rom dhe disa qytetarë që kanë mbetur të pastrehë pasi shteti ka shembur shtëpitë e tyre për të ndërtuar rrugë e vepra publike.

“Kanë përfituar qytetarë të cilët janë prekur nga projektet publike të qeverisë apo bashkisë, çiftet e reja që janë pa banesë, pjesa e minorancës, minoriteti rom"- theksoi Dredha.

Ai shtoi se nuk ka pasur kontestime nga komuniteti dhe procesi është i ndershëm.

"Janë 75 familje fituese dhe 40 aplikantë në listë pritje. Banka është hallka e dytë sepse keto familje duhet te kene te ardhura per te perballuar kredine. Nuk është diçka që jepet falas nga bashkia por jepet në koston e ndërtimit”.

Kjo është vetëm faza e parë e procesit, pasi në total deri në fund të vitit 2024 do të strehohen 300 familje në banesa sociale.

S.G/B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu