POP 5

Lajmet më të lexuara të 5 minutave të fundit

Arkiva

Vlorë/ Aksioni kundër informalitetit, penalizohet administratori i një hoteli

Vlorë, 27 Korrik/ATSH-Harilla Koçi/.-Aksioni i përbashkët i Drejtorisë së Përgjithshme të Tatimeve dhe Policisë së Vlorës për parandalimin e evazionit fiskal, që nisi javën e kaluar, është shtrirë në një gjeografi më të gjerë të aktiviteteve të biznesit në këtë qytet.  Vetëm gjatë tre ditëve të fundit janë ushtruar kontrolle në 226 subjekte, në të […]
/ATSH-Harilla Koçi/.-Aksioni i përbashkët i Drejtorisë së Përgjithshme të Tatimeve dhe Policisë së Vlorës për parandalimin e evazionit fiskal, që nisi javën e kaluar, është shtrirë në një gjeografi më të gjerë të aktiviteteve të biznesit në këtë qytet.
 Vetëm gjatë tre ditëve të fundit janë ushtruar kontrolle në 226 subjekte, në të cilat u evidentuan 68 shkelje që u shoqëruan me masa të ndryshme administrative konfiskim malli dhe gjoba.
 Burime zyrtare të policisë bënë të ditur për ATSH-në se, në 17 prej subjekteve të mësipërme u vendos masa e konfiskimit të mallit, ndërkohë që në 51 të tjera ajo e proces verbalit të shoqëruar me gjobë në vlera të konsiderueshme financiare.
 Gjatë këtij aksioni ka nisur procedimi i administratorit të një hoteli në bregdetin e Rradhimës, i cili akuzohet për veprën penale "Fshehja e të ardhurave".
 Aksioni i përbashkët i Drejtorisë së Përgjithshme të Tatimeve dhe Policisë së Vlorës, që nisi javën e kaluar është shoqëruar me kontrolle në subjekte të ndryshme, të cilat kanë si synim ndëshkimin e veprave penale në fushën e tatim-taksave, fshehjen e të ardhurave, punësimin e paligjshëm, informalitetit dhe evazionit fiskal
 Në total, gjatë këtij aksioni janë bërë objekt i kontrolleve 426 subjekte fizike e juridike, prej të cilave 180 rezultuan me shkelje të ndryshme, çka u shoqërua edhe me masat përkatëse që parashikohen në ligj. Kështu, për 54 subjekte u zbatua masa e konfiskimit të mallit, ndërsa për 126 të tjera u aplikuan masa administrative me gjobë, në një vlerë të përgjithshme prej rreth 9.6 milionë lekë.
 Mes mallrave të konfiskuara përfshihen pije alkolike, pije freskuese, këpucë, produkte kozmetike, produkte farmaceutike, materiale ndërtimi, si edhe një supermarket.
Gjithashtu, Drejtoria e Policisë e Qarkut të Vlorës, ka nisur dhe po vazhdon hetimet për punonjësit e organeve tatimorë, të cilët dyshohet se nuk kanë kryer detyrën duke mos ushtruar kontrolle ndaj subjekteve në fjalë, që rezultojnë të kenë ushtruar aktivitetin në kundërshtim me ligjin.
 

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50