POP 5

Lajmet më të lexuara të 5 minutave të fundit

Kronikë

U bllokuan 700 Kg kanabis gati për trafikim, Report Tv siguron pamjet e drogës në Karaburun, një i arrestuar

Gjendet një sasi e madhe kanabisi në Depot Valanidhit në Karaburun të Vlorës. Policia ka arrestuar një 29 vjeçar, Benardo Nezhaj, 29 vjeç, banues në Dukat i Ri, Orikum.

Vlorë-Gjendet një sasi e madhe kanabisi në Depot Valanidhit në Karaburun të Vlorës. 700 kg kannabis janë gjetur në vendin e quajtur Depot e Valanidhit.

Droga besohet se është e braktisur ndaj është vështirë për momentin të lidhet me ndonjë grup trafikimi.

Në afërësi të drogës së hedhur janë gjetur edhe disa mushka, të cilat besohet se janë përdorur për transportimin e kanabisit.

Policia ka arrestuar një 29 vjeçar, Benardo Nezhaj, 29 vjeç, banues në Dukat i Ri, Orikum.

Report tv ka siguruar fotot e drogës që është kapur sot në Karaburun të Vlorës.


Sasia e hashashit të gjetur është çuar në anë të detit dhe është nxjerrë me mjet ujor nga policia. Dyshohet se kanabisi kishte si destinacion brigjet italiane. Aksioni policor është kryer nga Delta Force.

Njoftimi i policisë

Vlorë
Goditet një rast i trafikimit të narkotikëve. Sekuestrohen 671 kg kanabis, 200 litra benzinë, arrestohet një shtetas.

Strukturat Policore të Drejtorisë Vendore të Policisë Vlorë në bashkëpunim me Delta Forcë kanë zhvilluar operacionin e koduar ''Karaburuni'', në të cilin kanë goditur një rast të trafikimit të lëndëve narkotike.

Si rezultat është arrestuar në flagrancë shtetasi:

Benardo Nezhaj, 29 vjeç, banues në Dukat i Ri, Orikum.

U krye arrestimi i tij pasi në Gadishullin e Karaburunit, në vendin e quajtur “Depot e Valanidhit, iu gjetën dhe sekuestruan 671 kg lëndë narkotike Cannabis Sativa, si dhe 200 litra benzinë në 8 bidona plastik.

Vijon puna për dokumentimin e plotë ligjor të këtij rasti si dhe për identifikimin e kapjen e të tjerë shtetasve të përfshirë në ketë veprimtari antiligjore.

Materialet hetimore iu referuan Prokurorisë së Rrethit Gjyqësor Vlorë, për veprën penale ''Trafikimi i narkotikëve, kryer në bashkëpunim'', parashikuar nga neni 283/a/2 i Kodit Penal.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dimri i vertetë ka mbërritur! Orteqet e borës izolojnë Iballën në Fushë-Arrëz! Banorët përballen me vëshitërsi në Shishtavec të Kukësit dhe Theth të Shkodrës

Dimri i vertetë ka mbërritur! Orteqet e borës izolojnë Iballën në Fushë-Arrëz! Banorët përballen me vëshitërsi në Shishtavec të Kukësit dhe Theth të Shkodrës

26 Dhjetor, 15:43 nga Ergys Kavaja