POP 5

Lajmet më të lexuara të 5 minutave të fundit

Kronikë

Vlorë, pranga për korrupsion Kreu
i Higjienës, MSH e shkarkon

Drejtori i politikave të Shëndetësisë, në Ministrinë e Shëndetësisë Pëllumb Pipero doli sot në mëngjes në një konferencë për shtyp për të informuar për pushimin nga puna të drejtorit të Higjienës, një inspektori sanitar.
Drejtori i politikave të Shëndetësisë, në Ministrinë e Shëndetësisë Pëllumb Pipero doli sot në mëngjes në një konferencë për shtyp për të informuar për pushimin nga puna të Drejtorit të Higjenës në Drejtorinë e Shëndetit Publik dhe dy inspektorët sanitarë të qytetit të Vlorës

Pushimi i tyre nga puna është bërë pas arrestimit nga policia e Vlorës për akuzën e korrupsionit pasiv. Të arrestuarit janë Gazmir Bundo Shefi i Higjienës në Vlorë, Afroviti Gjyli, inspektore sanitar dhe Pandeli Bilbili ndihmës inspektor sanitar

Policia e Vlorës në një konferencë për shtyp tha sot paradite se operacioni ishte koduar “Rikthimi”. Në bashkëpunim me njëri tjetrin ata përfitonin shuma të konsiderueshme parash nga subjektet tregtare, në këmbim të mosmarrjes së masave për ato që nuk përmbushnin kriteret higjeno-sanitare.

"Nga kontrolli fizik ushtruar ndaj këtyre shtetasve u janë gjetur dhe sekuestruar në cilësinë e provës materiale edhe shumat e parave të cilat i kishin përfituar në mënyrë të paligjshme. Gjithashtu bëjmë me dije se vetëm gjatë ditës së djeshme përvec shumave të parave të sekuestruara dhe provave të siguruara nëpërmjet aplikimit të metodave speciale të hetimit, janë administruar edhe 4 kallzime nga pronarët e 4 subjekteve tregtare në ngarkim të 3 shtetasve të mësipërm."- thuhet në njoftimin për shtyp.

Materialet procedurale ju referuan Prokurorisë së Rrethit Gjyqësor Vlorë për veprën penale “Korrupsioni pasiv i personave që ushtrijnë funksione publike” i kryer në bashkëpunim parashikuar nga nenet 259 dhe 25 të Kodit Penal.

TE ARRESTUARIT
• Gazmir Esat Bundo, vjec 43, banues në Vlorë, me detyrë, Shef i Higjenës në Drejtorinë e Shëndetit Publik, Vlorë.
• Pandeli Dyrmish Bilbili, vjec 55, banues në Vlorë, me detyrë, Inspektor Sanitar në Drejtorinë e Shëndetit Publik, Vlorë.
• Afroviti Loni Gjyli, vjec 56, banues në Vlorë, , me profesion Mjeke, Inspektore Sanitare në Drejtorinë e Shëndetit Publik, Vlorë.

(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13