Vlorë- Në dalje të tunelit të Llogarasë, në drejtim të Palasës, është regjistruar një rënie dherash dhe gurësh në aksin rrugor, duke vështirësuar qarkullimin e mjeteve.

Shkak u bënë punimet që po kryhen në zonë, ku masat e dheut dhe gurët përfunduan në rrugë, duke krijuar bllokim të përkohshëm të trafikut dhe radhë automjetesh.

Aksi rrugor qëndroi i bllokuar për rreth 30 minuta, ndërsa në vendngjarje ndërhynë mjetet e firmës që po kryen punimet për pastrimin e segmentit dhe hapjen e qarkullimit.

Pas ndërhyrjes, trafiku u rikthye gradualisht në normalitet, ndërsa autoritetet dhe punonjësit në terren u bëjnë thirrje drejtuesve të mjeteve të tregojnë kujdes të shtuar në zonën e punimeve.

Ndërkaq, ARRSH deklaroi bllokimi i përkohshëm i Tunelit të Llogarasë gjatë ditës së sotme është kryer në kuadër të masave të sigurisë për punimet që po zhvillohen në rrugët lidhëse të tunelit.

Sipas ARRSH, u krye një shpërthim i planifikuar në orën 12:30 ku rruga u bllokua për rreth 20 minuta dhe pas përfundimit, qarkullimi vijoi normalisht.

"Autoriteti Rrugor Shqiptar sqaron opinionin publik se bllokimi i përkohshëm i Tunelit të Llogarasë gjatë ditës së sotme është kryer në kuadër të masave të sigurisë për punimet që po zhvillohen në rrugët lidhëse të tunelit. Shpërthimi i planifikuar u realizua në orën 12:30, në prani të Policisë së Shtetit, me qëllim disiplinimin dhe menaxhimin e qarkullimit të mjeteve. Duke qenë se trafiku në këtë periudhë është minimal, rruga u bllokua për rreth 20 minuta. Pas përfundimit të procesit dhe pastrimit të zonës, qarkullimi vijoi normalisht.", thuhet ndër të tjera në njoftim.

Rendit zhvillimet sipas orarit:
Ora 19:37
Bllokimi i rrugës në dalje të tunelit të Llogarasë/ ARRSH: U krye shpërthim i planifikuar për shkak të punimeve

1771094594_llogara.JPG

Rrëshqitje gurësh në dalje të tunelit të Llogarasë

Autoriteti Rrugor Shqiptar (ARRSH) tha përmes një njoftimi se bllokimi i përkohshëm i Tunelit të Llogarasë gjatë ditës së sotme është kryer në kuadër të masave të sigurisë për punimet që po zhvillohen në rrugët lidhëse të tunelit.

Sipas ARRSH, u krye një shpërthim i planifikuar në orën 12:30 ku rruga u bllokua për rreth 20 minuta dhe pas përfundimit, qarkullimi vijoi normalisht.

ARRSH sqaron se punimet janë pjesë e segmentit rrugor të rrugëve lidhëse me Tunelin e Llogarasë. Përmes kësaj, synohet rehabilitimi  rrugës ekzistuese në një gjatësi prej rreth 1 km nga dalja e tunelit në anën e Palasës deri në kryqëzimin me rrugën e re Palasë–Dhërmi.

ARRSH thotë se është e domosdoshme përdorimi i shpërthimeve me sasi të vogla eksplozivi gjatë procesit të gërmimeve, dhe se do të ketë shpërthime të tjera.

Njoftim për shtyp!

Autoriteti Rrugor Shqiptar sqaron opinionin publik se bllokimi i përkohshëm i Tunelit të Llogarasë gjatë ditës së sotme është kryer në kuadër të masave të sigurisë për punimet që po zhvillohen në rrugët lidhëse të tunelit.

Shpërthimi i planifikuar u realizua në orën 12:30, në prani të Policisë së Shtetit, me qëllim disiplinimin dhe menaxhimin e qarkullimit të mjeteve. Duke qenë se trafiku në këtë periudhë është minimal, rruga u bllokua për rreth 20 minuta. Pas përfundimit të procesit dhe pastrimit të zonës, qarkullimi vijoi normalisht.

Punimet janë pjesë e segmentit rrugor të rrugëve lidhëse me Tunelin e Llogarasë dhe synojnë rehabilitimin e rrugës ekzistuese në një gjatësi prej rreth 1 km nga dalja e tunelit në anën e Palasës deri në kryqëzimin me rrugën e re Palasë–Dhërmi. Aktualisht po punohet për zgjerimin e aksit ekzistues, si dhe për ndërtimin e një aksi të ri prej rreth 600 metrash, ku po kryhen punime gërmimi për trupin e rrugës.

Gjatë procesit të gërmimeve, në rastet kur konstatohet material i fortë shkëmbor, është e domosdoshme përdorimi i shpërthimeve me sasi të vogla eksplozivi. Parashikohet që të realizohen edhe 5–6 shpërthime të tjera, ku shpërthimi i radhës mund të kryhet ditën e mërkurë.

Punimet po vijojnë me ritëm të lartë me qëllim përfundimin e tyre përpara sezonit veror. Autoriteti Rrugor Shqiptar falënderon qytetarët për mirëkuptimin

R.C/Shqiptarja.com