Vlorë, sekuestrohen 25 kg drogë
kapen 5 persona, mes tyre një polic

25 kilogram lëndë narkotike kanabis sativa është gjetur dhe sekuestruar sot në Vlorë, ndërkohë që policia ka prangosur një  punonjës të policisë së kufirit në Dhërmi.

Sipas policisë, bëhet e ditur se, operacioni për sekuestrimin e drogës ishte koduar “STROM” në të cilin është gjetur  25 kg e 630 gr lëndë narkotike, e llojit "Cannabis sattiva" dhe në pranga kanë rënë 5 persona.

Konkretisht në pranga ka rënë efektivi Hasan Hysenaj, 47-vjeç, me detyrë Trup Shërbimi në Stacionin e Policisë Kufitare Dhërmi si dhe G.H 18-vjeç, Ferdbent Hoxha 66-vjeç, Emiljano Lazaj, 29-vjeç dhe Mjaftim Jonuzaj, 46-vjeç.

Pesë personat u kapën në flagrancë në rrugën nacionale në afërsi të fshatit Babicë - Vlorë, duke udhëtuar me automjetin tip "Ford Focus" me targë: AA415GL, në pronësi të Hasan Hysenaj kur në automjet, policia ka gjetur të fshehur në mjet, lëndën narkotike e cila ishte sistemuar dhe e ndarë në 6 thasë plastikë të zinj, fshehur në bagazhin e këtij mjeti, me qëllim trasportin dhe shitjen e saj.

Përveç kësaj, policia ka bllokuar dhe sekuestruar dhe një automjet tip "Ford Focus" me targë: AA415GL, një automjet tjetër tip "Peugeot" me targë: AA478J dhe 5 aparatë celularë.









Ja komunikata e policisë Vlorë
Policia ka finalizuar operacionin anti-drogë, të koduar "STORM".
Sekuestrohen 25 KG e 630 GR lëndë narkotike, e llojit "Cannabis sattiva".
Arrestohen në flagrancë 5 persona, njëri prej tyre Efektiv Policie.
Seksioni për Hetimin e Narkotikëve, në bashkëpunim me Sektorin e Shërbimeve për Çështjet e Brendshme dhe Ankesat (SHÇBA), në bazë të informacioneve të marra në rrugë operative, kanë bërë të mundur realizimin e këtij operacioni, duke kapur në flagrancë shtetasit e mëposhtëm:
1-  Hasan Hysenaj, 47 vjeç, lindur në fshatin Sevaster dhe banues në Vlorë (me detyrë: Trup Shërbimi në Stacionin e Policisë Kufitare Dhërmi (Drejtoria Vendore e Policisë Kufitare dhe Migracionit - Vlorë).
2-  G. H., 18 vjeç, lindur dhe banues në fshatin Sevaster.
3-  Ferdbent Hoxha, 66 vjeç, lindur dhe banues ne lagjen "28 Nëntori" Vlorë.
4-  Emiljano Lazaj, 29 vjeç, lindur dhe banues në fshatin Shkozë - Vlorë.
5-  Mjaftim Jonuzaj, 46 vjeç, lindur në fshatin Sevaster dhe banues në lagjen "4 Heronjtë" Vlorë.
Arrestimi i këtyre shtetasve u bë nga Shërbimet e Policisë së Vlorës, pasi u kapën në flagrancë në rrugën nacionale në afërsi të fshatit  Babicë - Vlorë, duke udhëtuar me automjetin tip "Ford Focus" me targë: AA415GL, në pronësi të shtetasit: Hasan Hysenaj.
Gjatë kontrollit të ushtruar në këtë automjet, Shërbimet e Policisë kanë gjetur të fshehur në mjet, një sasi me lëndë narkotike prej 25 kg e 630 gr, të llojit "Cannabis sattiva", e cila ishte sistemuar dhe e ndarë në 6 thasë plastikë të zinj, fshehur në bagazhin e këtij mjeti, me qëllim trasportin dhe shitjen e saj.
Policia ka bllokuar dhe sekuestruar në cilësinë e provës materiale:
-  në total: 25 kg e 630 gr, lëndë narkotike "Cannabis",
- një automjet tip "Ford Focus" me targë: AA415GL (në pronësi të shtetasit: Hasan Hysenaj),
- një automjet tjetër tip "Peugeot" me targë: AA478JV (në pronësi të shtetasit: Emiljano Lazaj),
- 5 aparatë celularë.

Redaksia Online
(F.T/shqiptarja.com)