POP 5

Lajmet më të lexuara të 5 minutave të fundit

Kronikë

Vlorë, shtëpitë e braktisura 'fole' për të droguarit! Qytetarët: Këtu ka vdekur një i ri! Të merren masa, gjithandej ka shiringa

Godinat e braktisura në Vlorë janë kthyer në strehë për përdoruesit e lëndëve narkotike. Qytetarët, kërkojnë ndërhyrjen e institucioneve përkatëse, pasi u rrezikohen fëmijët. Në një vëzhgim të Report Tv vihen re materiale si shiringa të përdorura, të hedhura në këto ambiente.

Godina të vjetra dhe të braktisura në Vlorë nuk shërbejnë vetëm si vend për grumbullimin e mbeturinave. Ato janë kthyer edhe në një bazë për përdoruesit e lëndëve narkotike. Report Tv bëri një vëzhgim dhe konstatoi se janë me dhjetëra godinat që janë kthyer në baza për përdoruesit e drogës, sidomos të lëndëve narkotike të forta.

Banorët ndihen të rrezikuar. Ata u bëjnë thirrje institucioneve përgjegjëse për ndërhyrje, pasi rreth këtyre zonave lëvizin çdo ditë fëmijë e të moshuar.

"Për këtu ka vdekur një djalë nga Çolja", tha një qytetar.

"Të rregullohen ose të prishen ose t'i kthehen pronarit", thotë një tjetër.

"Disa prej këtyre unë i njoh, janë të varur dhe nuk i ndalon dot", vijon një tjetër qytetar.

Pavarësisht se shqetësimi është ngritur jo pak herë nga komuniteti, askush nuk ka ndërhyrë për të marrë masa për detyrimin e pronarëve për kujdesin ndaj pronës së tyre. Banorët thanë për Report Tv se janë kryesisht të rinj, të cilët në orët e vona të natës I frekuentojnë ambiente të tilla.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Indi/ Mbi 120 të vdekur në një tubim fetar

Indi/ Mbi 120 të vdekur në një tubim fetar

3 Korrik, 16:18