VLORE-Dy tregtarë kafeje në Vlorë e degradojnë sherrin për shkak të konkurencës duke kaluar në përdorimin e armëve.

Të shtëna me armë zjarri janë regjistruar pranë Bashkisë së Vlorës mesditën e kësaj të premte. 

Report Tv mësoi se dy persona janë përfshirë në një konflikt të momentit, çka ka çuar deri në përdorimin e armëve, por fatmirësisht pa të lënduar. 

Forca të shumta policie mbërritën në vendin e ngjarjes dhe bënë të mundur shoqërimin e dy personave të dyshuar se kanë lidhje me ngjarjen.

Ngjarja
Ngjarja ndodhi sot në qendër të qytetit të Vlorës, shumë pranë bashkisë së këtij qytetit.

Nga të dhënat paraprake, mësohet se dy person kofliktuar, me njeri-tjetrin. Të dy persona mësohet se janë trëgtarë kafeje dhe konkurrenca mendohet të jetë shkak i konfliktit.

Fillimisht pronari i biznesit “Miro Tërbaçi” dhe konkurrenti Delin Dervishi janë konfliktuar fizikisht, duke shkëmbyer edhe grushte me njëri-tjetrin.

Pas kësaj, me një pistoletë, pronari i biznesit “Miro Tërbaçi” ka qëlluar në drejtim të Delin Dervishit dhe menaxherit të tij.

Vijojnë hetimet për zbardhjen e rrethanave të ngjarjes. 

(d.b/l.q/Shqiptarja.com)