Një sasi lënde eksplozive u vendos pranë një automjeti mbrëmjen e djeshme në një zonë të banuar pranë "Ujit të Ftohtë" në Vlorë, duke alarmuar pronarin e mjetit por edhe qytetarët përreth. U desh mbërritja e forcave xhenio nga Tirana për të bërë shpërthim të kontrolluar nga ku rezultoi se lënda plasëse ishte rreth 300-500 gr C4. 

Endrit Sabadinaj, 30-vjeç, pronar i automjetit "Mercedez Benz" me targa AA 233 OX, ka thënë në polici se nuk ka probleme me askënd dhe nuk dyshon tek njeri. Ndërkohë mësohet se policia ka shoqëruar shtatë persona dhe vijon hetimet për identifikimin e autorëve. Zona ku është vendosur tritoli ka kamera sigurie të bizneseve përreth dhe grupi hetimor ka sekuestruar pamjet për të parë nëse është i mundshëm identifikimi i autorëve. 

Redaksia Online
l.q/Shqiptarja.com