Në këmbë në autostradën Vlorë-Fier, humb jetën tragjikisht 50 vjecari, përplaset nga makina! Ndalohet shoferi 19-vjeçar (VIDEO)

VLORË- Një aksident tragjik është regjistruar pasditen e kësaj të diele në autostradën Vlorë-Fier, ku një 50-vjeçar është përplasur nga një makinë e për pasojë ka ndërruar jetë në vend. Report Tv mëson se viktima është identifikuar si Besnik Brakaj. Ajo që e bën edhe më tragjike këtë ngjarje është se viktima ka qenë duke udhëtuar në këmbë në autostradë, aty ku makinat lëvizin me shpejtësi minimumi me 80 km në orë.

Përplasja nga makina ka rezultuar fatale për të, teksa uniformat blu kanë ndaluar edhe shoferin 19-vjeçar Edvin Skëndaj. Report Tv sjell pamjet nga vendi i ngjarjes, teksa siç shihet përplasja ka qenë shumë e fortë.

“Më datë 22.05.2022, rreth orës 14:45,  në autostradën Vlorë-Fier, shtetasi E. S., 19 vjeç, duke drejtuar automjetin tip "Nissan",  ka aksidentuar këmbësorin shtetasin B. B, rreth 50 vjeç, i cili për pasojë ka ndërruar jetë. Grupi hetimor ndodhet në vendngjarje dhe po punon për përcaktimin e shkaqeve të aksidentit”, njofton policia.

Bilanci i aksidenteve përgjatë këtyre 5 muajve të fundit ka qënë tragjik, ku 66 persona kanë ndërruar jetë dhe 825 të tjerë janë plagosur. Referuar të dhënave të policisë, 81 prej tyre kanë marrë plagë të rënda në trup dhe 740 persona u dëmtuan më lehtë. Në pjesën më të madhe të ngjarjeve, shkak i aksidentit ka qenë sjellja e drejtuesit të mjetit. Kryesisht, ngjarjet rrugore janë kryer nga grup-mosha 20 deri në 34 vjeç

S.C/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 22/05/2022 21:05

    Shoferi nuk ka asnjë faj. Faji i vetëm është se tani duan nja ca lekë këta të rrugores, prokurori edhe gjykatësi.

    Përgjigju
  • Tironci: 22/05/2022 19:52

    Lironi çunin 19 vjecar,ça do këmbësori në autostradë

    Përgjigju
    • Ani: 23/05/2022 17:57

      Sishte kembesor,ai po ecte me makine kishte ndaluar per te lare fytyren sepse ishte pergjumesh ngaqe punonte aty dhe e kishte ndaluar makinen,sa do futej e shtypi ai,i japin info gabim keta dhe emrin se kane dhene sakte madje

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Zjarret në vend, Meta: Thirrje institucioneve të marrin masa