TIRANE-Tre hajdutë janë arrestuar për vjedhjen e një kasaforte me 1.3 mln lekë në një poliklinikë, ndërsa akuzohen edhe për raste të tjera në disa qarqe. Të arrestuarit janë Enis Mara 33 vjeç, Fatjon Shahini alias Fatjon Lila 37 vjeç dhe Euklid Çelmeta alias Euklid Habili 38 vjeç, banues në Tiranë (Fatjon Lila dhe Euklid Çelmeta me precedent penal në fushën e vjedhjes dhe vjedhjes me armë). Tre personat e arrestuar sipas policisë, mëngjesin e sotëm rreth orës 04:05 te Rruga e Kavajës në ambientet e Poliklinikës “Zonja e Këshillit të Mirë” në Tiranë në bashkëpunim edhe me dy persona të tjerë, kanë vjedhur kasafortën në të cilin ndodhej vlera monetare rreth 1.3 mln lekë.
Në momentin e arrestimit, janë sekuestruar edhe një makinë tip Mercedes Benz, me të cilin qarkullonin për të kryer vjedhjet, 1 DVR, një shumë parash, 1 kasafortë dhe 4 telefona celularë. Të arrestuarit në bashkëpunim me njëri-tjetrin dyshohen edhe si autorë të vjedhjes së një klinike mjekësore në Rrugën e Dibrës, ngjarje e datës 20.01.2020, ku gjatë orëve të para të mëngjesit kanë vjedhur një shumë prej 413 000 lekësh dhe kanë tentuar të vjedhin edhe kasafortën e kësaj klinike.
Gjithashtu, ata dyshohen se kanë kryer një sërë vjedhjesh të kasafortave në biznese, në qytetin e Tiranës dhe në qarqe të tjera. Pas arrestimit, grupi hetimor vijon punën në bashkëpunim me strukturat e tjera të policisë në qarqe për dokumentimin me prova ligjore të rasteve të dyshuara se janë kryer nga ky grup kriminal. Materialet iu dërguan Prokurorisë së Rrethit Gjyqësor Tiranë, për veprime të mëtejshme, si dhe po punohet për identifikimin dhe kapjen e autoreve të tjerë të përfshirë në këtë ngjarje.
E kaluara kriminale
Fatjon Lila dhe Euklid Habili, dy nga të arrestuarit nga policia e Tiranës janë të njohur si hajdutë serialë nga drejtësia për ngjarje të tjera të vjedhjes së kasafortave të bizneseve në vitet e kaluara. Në 18 qershor të vitit 2018 grupi ku bënte pjesë edhe Lila u godit nga operacioni 'Forca e Ligjit' duke arrestuar pesë persona, mes tyre një ish-oficer policie dhe Gjon Pelivani i njohur si armik i Shullazit, të gjithë të dënuar më parë për vjedhje.
Engrid Hënaj ka qenë ish-oficer policie i arrestuar më parë, pasi komunikonte me një person të shpallur në kërkim për vjedhjen e një makine. Të arrestuarit ishin pjesë e grupit ‘Hijet e Natës’ ku vodhën 11 kasaforta edhe ambasadën daneze në Tiranë. Fatjon Lila dhe Euklid Habili të arrestuar në 2018, nuk dihet si kanë arritur që të shpëtojnë nga burg pas akuzave që u ngritën kundër tyre, ndërsa iu rikthyen sërish zakonit duke vjedhur sapo fituan lirinë, por policia i kishte në monitorim duke i arrestuar sërish.
Momenti i dërgimit në polici të të arrestuarve
Komente
Lajme të tjera
-
Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari
4 Nëntor, 10:41 -
Ilir Daja: S'ka ndeshje të lehta, nostalgjik për tifozët e Elbasanit
3 Nëntor, 21:14 -
B40/ Veliaj me të rinj nga rajoni: Tirana si Kryeqyteti Mesdhetar i Kulturës, një mundësi për të treguar vlerat kulturore
3 Nëntor, 14:47 -
Drejtori i Policisë, Proda takohet me të Ngarkuarin me Punë të Ambasadës së Kuvajtit! Diskutohet edhe mundësia e shkëmbimit të metodave policore
2 Nëntor, 15:43 -
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Tiranë/ Qëlloi 8 herë me thikë të riun, arrestohet 41-vjeçari i shpallur në kërkim për vrasje të mbetur në tentativë
2 Nëntor, 15:18 -
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Pa stadium, tifozë dhe ekip! 'Diktatura' e FSHF-së dhe pësimet e KF Tiranës që rikthejnë makthet e së shkuarës
2 Nëntor, 09:54
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Mashtronte të moshuarit dhe u merrte para, arrestohet shqiptari në Greqi
1 Nëntor, 17:12 -
Për herë të parë në Shqipëri, mbahet mbledhja e Komitetit të Medias së UEFA-s
1 Nëntor, 16:51
Keta duan plumbin qe te mos bejne me asgje. Sa here jane arrestuar dhe prape
PërgjigjuMbyllini minjtë brenda!
Përgjigju