POP 5

Lajmet më të lexuara të 5 minutave të fundit

Kronikë

Vodhën ushqimet dhe batanijet e banorëve të prekur nga tërmeti, lihen në burg shefi i rendit e zjarrfikësi

Bashkë me Zekaj, sot në burg është mbyllur dhe kunati i tij, Alban Taulla, zjarrfikës pranë repartit të Kombinatit.

Altin Zekaj, Shefi i rendit pranë komisariatit të Rinasit, që vodhi pakot me ushqime dhe batanijet për personat e dëmtuar nga tërmeti i 26 nëntorit në Durrës dhe Krujë, do qëndrojë i mbyllur në qeli. Ky është vendimi i gjykatës së Tiranës i dhënë pak minuta më parë, ku për zyrtarin e lartë të policisë gjykata ka miratuar kërkesën e prokurorisë për caktimin e masës së “arrestit në burg”. Bashkë me Zekaj, sot në burg është mbyllur dhe kunati i tij, Alban Taulla, zjarrfikës pranë repartit të Kombinatit. Ndërkohë për efektivin e policisë së Rinasit, Ervin Haxhillari, që në këtë vjedhje ka shërbyer si shofer i furginit të policisë, gjykata ka caktuar masën e sigurisë “arrest shtëpie”. Në sallën e gjyqit Haxhillari, pohoi se nuk kishte kryer asnjë krim, por vetëm kishte zbatuar një urdhër emergjent të dhënë nga shefi i tij Altin Zekaj.

Haxhillari ka transportuar me urdhër të Zekaj dhe me furgonin e policisë 15 pako me ushqime dhe 7 batanije në banesën e vjehrrës së shefit të policisë Altin Zekaj, duke i shkarkuar pakot tek Shkurte Taulla. Ndërkohë 20 pako me ushqime me ambalazhin e fondacionit “Fundjava Ndryshe” janë gjetur dhe sekuestruar në cilësinë e provës materiale, në zyrën e shefit të rendit pranë komisariatit Rinas.

Gjatë seancën gjyqësore, avokatët e të arrestuar kërkuar caktimin e masës arrest në shtëpi për dy kunetërit Taulla dhe Zekaj, por gjykata refuzoi kërkesën e tyre, duke vendosur mbylljen në qeli të dy funksionarëve të shtetit që vodhën ndihmat me ushqime e batanijë që ishin mbledhur për banorët e prekur nga tërmeti. Veç tre personave që po hetohen nga prokuroria e Tiranës, për këtë ngjarje hetime në gjendje të lirë janë duke u zhvilluar edhe për pedagogen Valbona Zekaj, gruan e Altin Zekaj.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sefer Hajdini: 30/11/2019 17:56

    Nuk du te merrem me ket kokerr legeni, ajo qe me shqeteson ne shqipni, eshte qe nje lloj shtrese qe duhet te jete shembull,eshte me e pa moralshmja.

    Përgjigju
    • sapa: 30/11/2019 19:57

      Jo nje lloj shtrese por e gjithe shtresa drejtuese cfaredo posti qe mund te kene dhe ne cfaredo institucjoni te te ashtuquajturit shtet shqiptar!

  • toni: 30/11/2019 15:10

    po ne shtepi pse duhej ti conte se se kuptoj ,ky ti fuse nje xhiro andej nga Kopliku edhe rrije aty mos kthehet me

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Itali/ Fjala kryesore e vitit 2024 në raportin 'Carta di Roma' është 'Shqipëria'

Itali/ Fjala kryesore e vitit 2024 në raportin 'Carta di Roma' është 'Shqipëria'

18 Dhjetor, 15:59