Volejboll/ Erzeni nuk arrin të ngrejë kupën në Tiranë, mundet nga Partizani

Partizani ka fituar 3-2 finalen e tretë të play off-it në volejboll për meshkuj ndaj Erzenit, duke hapur betejën për titullin kampion. Në sallën sportive “Feti Borova” pranë Tirana Olimpik Park u luajt finalja e tretë, aty ku sërish u regjistrua rezultati 3-2, por këtë herë në favor të skuadrës kryeqytetase. Për Partizanin kjo është fitorja e parë, ndërsa Erzeni ka fituar dy sfidat e para dhe udhëheq 2-1 serinë e finaleve.

Ndeshja është kontestuar disa herë si pasojë e vendimeve të gjyqtarit Igli Fështi, sidomos nga Erzeni, pasi ka dhënë vendime të dyshimta në favor të Partizanit. Pikërisht për këtë, stafi shijakas i ka kërkuar Federatës së Volejbollit gjyqtar të huaj për ndeshjen e radhës finale.

Ashtu si dy takimet e para,  edhe i fundit ishte me shumë rivalitet dhe emocione, madje këtë herë ishte Erzeni ai që udhëhoqi 2-1 me sete, por seti i fitores nuk erdhi. I mbështetur nga më shumë se 400 tifozë, skuadra shijakase tentoi të shpallet kampion, por gaboi në setin final, set që këtë herë u fitua nga Partizani, që rikthehet në garë për titull.

Të kuqtë e trajnerit Ylli Tomori fitojnë 25-17 setin e parë, por shpejt loja ndryshon kah. Skuadra e Erzenit merr komandën e lojës, duke u shkëputur gradualisht dhe më pas fiton 25-18. Seti i tretë është më i bukuri, ekipet rivalizojnë fort për cdo pikë, ku herë udhëheq Erzeni e herë Partizani, duke e bërë mjaft dramatike lojën. Por, në pikët e fundit, shijakasit janë më të saktë, duke fituar 25-23 dhe janë një set larg titullit kampion. E njëjta situatë edhe në setin e katërt, ku emocionet përjetohen deri në fund, por Partizani fitoi 25-21, duke barazuar 2-2 shifrat.

Seti final është tërësisht i Partizanit, që ndryshe nga dy takimet e para, këtë herë nuk gabon dhe fiton 15-3 dhe krejt ndeshjen 3-2, duke mbajtur gjallë shpresat për titull. Të mërkurën do të luhet finalja e katërt e play off-it në fushën e Erzenit.

Ora 22:59
Mundet nga Partizani, Erzeni shtyn ngritjen e kupës
  • Komento

    KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

    • Sondazhi i ditës:

      Si do jenë ndryshimet në Kodin Zgjedhor që do bëjnë PS-Rithemelimi?



    ×

    Lajmi i fundit

    Të dënuarit në Vlorë peticion deputetëve të Kuvendit: Miratoni amnistinë penale

    Të dënuarit në Vlorë peticion deputetëve të Kuvendit: Miratoni amnistinë penale