Presidentja e Komisionit Evropian Ursula von der Leyen , gjatë fjalimit në seancën plenare të Parlamentit deklaroi se “Bashkimi Evropian duhet të mësojë të zhvillojë "luftërat e veta moderne hibride".

"Evropa duhet të marrë përgjegjësinë për sigurinë e saj. Kjo nuk është më një opsion. Është një detyrim. Ne i dimë kërcënimet me të cilat përballemi dhe do t'i adresojmë ato. Kjo do të thotë që duhet të jemi gati. Ne duhet të zhvillojmë dhe të vendosim aftësi të reja për të luftuar një luftë hibride moderne. Edhe këtu, ne po lëvizim male” tha Ursula von der Leyen.

Ndër të tjera ajo theksoi se gjatë 10 viteve të fundit, kanë investuar 8 miliardë euro në Fondin e Mbrojtjes.

"Pas dekadash të mungesës së investimeve, më në fund jemi në një pikë kthese. Po e transformojmë bazën tonë industriale të mbrojtjes në një zonë të aftë për të ofruar teknologji të përparuara dhe prodhim të shpejtë masiv në 'kazanin' e luftës. Këtë vit, kemi bërë më shumë për mbrojtjen sesa në dekadat e fundit. Gjatë 10 viteve të fundit, kemi investuar 8 miliardë euro në Fondin e Mbrojtjes.

Këtë vit, do të aktivizojmë deri në 800 miliardë euro investime deri në vitin 2030. Dhe kemi parë se si programi ynë Safe është mbingarkuar, me kërkesa nga 19 shtete anëtare që tejkalojnë shumë 150 miliardë eurot në tryezë. Dhe shtetet anëtare tashmë po kërkojnë një raund të ri të programeve Safe. Kjo tregon angazhimin tonë evropian ndaj sigurisë evropiane", tha ajo teksa vuri në pah se kjo nuk ka të bëjë vetëm me mbrojtjen, por ka të bëjë me lirinë, prosperitetin dhe pavarësinë tonë.