Von der Leyen: Evropa duhet të luajë një rol në sigurinë afatgjatë të Ukrainës

Presidentja e Komisionit Evropian Ursula von der Leyen, duke folur në Institutin Hudson në Uashington DC, ku sot takohet me Presidentin Joe Biden, së bashku me Charles Michel dhe Josep Borrell, tha se Evropa duhet të luajë një rol në sigurinë afatgjatë të Ukrainës.

"Unë dua që Evropa të luajë një rol qendror në garantimin e sigurisë afatgjatë të Ukrainës. Kjo është arsyeja pse ne duhet të rrisim shpenzimet e mbrojtjes dhe bazën tonë industriale. Dhe ne kemi filluar tashmë, me një investim të parë për të rritur kapacitetin tonë të prodhimit të municioneve", tha von der Leyen.

LEXO EDHE:
Ish-këshilltari amerikan: Trump s’ka ide si t'i japi fund luftës në Ukrainë

Ajo gjithashu shtoi se "Çdo zgjidhje për këtë konflikt duhet të jetë e qëndrueshme, me një paqe të drejtë dhe të qëndrueshme për Ukrainën. Dhe për këtë arsye, Ukraina ka nevojë për garanci afatgjata sigurie".

"Çdo zgjidhje për këtë konflikt duhet të jetë e qëndrueshme, me një paqe të drejtë dhe të qëndrueshme për Ukrainën. Dhe për këtë arsye, Ukraina ka nevojë për garanci afatgjata sigurie. Shumë prej jush do të njihen me konceptin e 'parandalimit me anë të mohimit'. Është ideja e sigurimit të Ukrainës me pajisjet ushtarake të nevojshme për të penguar sulmet e ardhshme ruse. Unë jam jashtëzakonisht mirënjohës ndaj Shteteve të Bashkuara Shtetet për mbështetjen e saj ushtarake ndaj Ukrainës: ju i keni dhënë forcë guximit të ukrainasve”, tha  von der Leyen.

Lajmi kryesor:

Lufta në Ukrainë/ Biden: Nëse nuk e ndalim oreksin e Putinit, ai nuk do të kufizohet në Kiev! Kremlini: Është e papranueshme të përkufizohet presidenti rus si tiran

S.S/Shqiptarja.com

TAG:
• lufta ne ukraine