POP 5

Lajmet më të lexuara të 5 minutave të fundit

Bota

Von der Leyen: Rusia po përdor gazin kundër nesh! Nord Stream 2 nuk përjashtohet nga sanksionet

Von der Leyen tha se Rusia po ushtron presion ushtarak mbi Ukrainën dhe po përdor furnizimet me gaz si levë ndaj nesh, prandaj Nord Stream 2 nuk mund të përjashtohet nga lista e sanksioneve.

Von der Leyen: Rusia po përdor gazin kundër nesh! Nord Stream 2 nuk përjashtohet nga sanksionet

Presidentja e Komisionit Evropian, Ursula von der Leyen

Presidenta e Komisionit Europian, Ursula von der Leyen, në një intervistë për gazetat “Les Echos” në Francë dhe “Handelsblatt” në Gjermani, deklaroi se se Rusia po ushtron presion ushtarak mbi Ukrainën dhe po përdor furnizimet me gaz si levë ndaj nesh. Von der Leyen theksoi se Nord Stream 2 nuk mund të përjashtohet nga lista e sanksioneve.

“Kjo është shumë e qartë.” - tha ajo.

Për çmimet e larta të energjisë, Von der Leyen kritikon besueshmërinë e Gazprom.

“Përballë rritjes së kërkesës dhe rritjes së çmimeve, furnizuesit e tjerë të gazit kanë rritur ndjeshëm furnizimet e tyre, por jo Gazprom. Kompania, e cila i përket shtetit rus, krijon dyshime për besueshmërinë e saj”, - tha Ursula von der Leyen.

Në një situatë që Von der Leyen e përkufizon si shumë serioze, ajo përjashton rreziqet e menjëhershme mbi furnizimet nëse Rusia dhe Gazprom respektojnë angazhimet e tyre.

Në lidhje me sanksionet kundër Moskës në rast të një sulmi ndaj Ukrainës, Von der Leyen thotë se sanksionet europiane të koordinuara me partnerë si SHBA do të variojnë “nga kufizimi i aksesit në kapitalin e huaj deri te kontrollet e eksportit të komponentëve të teknologjisë së lartë, që Rusia nuk mund t’i zëvendësojë lehtësisht si sektorët e inteligjencës dhe armatimeve, kompjuterët kuantikë, lazerët dhe udhëtimet në hapësirë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50