POP 5

Lajmet më të lexuara të 5 minutave të fundit

Politikë

Vota e diasporës dhe depolitizimi i komisionerëve sfida e 2025! Gjiknuri: Komisionerë apolitikë, baza e Reformës së re Zgjedhore

Vota e diasporës dhe depolitizimi i komisioneve zgjedhore janë 2 sfidat e zgjedhjeve të ardhshme. Gjatë raportimit të kryekomisionerit Celibashi në Komisionin e ligjeve për veprimtarinë e KQZ gjatë 2020, bashkëhartuesi i Reformës Zgjedhore Damian Gjiknuri tha se këto 2 çështje janë bazat e një reforme të re elektorale

Kur ka kaluar një vit nga marrëveshjes e famshme e 5 qershorit për Reformën Zgjedhore, e cila u konkluadua me një ligj të ri elektoral, në dakordësi mes maxhorancës dhe opozitës, Damian Gjiknuri kërkon realizimin e dy prej çështjeve të mbetura pezull në zgjedhjet e 25 prillit, depolitizimin e administratës zgjedhore dhe votën e emigrantëve.

Gjiknuri thotë se në kushtet kur teknologjia në zgjedhje, është një garanci e shtuar, tashmë e implementuar suksesshëm në zgjedhjet e 25 prillit, komisionerët politikë janë të panevojshëm.

 'Pas implementimit të teknologjisë,  që është një hap i mirë, të shkojmë te ajo që e kemi kërkuar me kohë, ajo që duhet të jetë hapi tjetër i një reforme zgjedhore depolitizimi i komisionit zgjedhor. Të gjithë jemi të vetëdijshëm se roli i komisionerëve nuk është më ai që ishte dikur, sidomos me futjen e teknologjisë, i bën të panevojshëm komisionerët partiakë. Formula që diskutohej në këshillin politik për të rekrutuar nëpunës civil apo ato që trajnoheshin dhe përzgjidheshin me short në qednrat e votimit, do ishte një bazë e mirë për reformën e ardhshme zgjedhore dhe shkëputjen përfunsimisht nga komisionerët politikë.'- deklaroi Gjiknuri.

Gjatë raportimit të kryekomisionerit Ilirjan Celibashi në Komisionin e Ligjeve për veprimtarinë e KQZ gjatë 2020, Gjiknuri i kërkoi realizimin edhe të votës së emigrantëve për zgjedhjet e ardhshme.

 'Një element që mbeti pa adresuar, për faj të aktorëve politik, është impelmentimi i votës për emigrantët. Ju e shikoni që në Shqipëri pjesëmarrja në votime sa vjen e tkurret përshkak edhe se elektorali tashmë është rezident në vendet e tjera, është shumë i nevojshëm dhe mendoj që tashmë kqz ka kohën e nevojshme për ta bërë të mundur për zgjedhjet e ardhshme, ky është një premtim i gjithë klasës politike.'-tha Gjiknuri.

Komisioneri Shtetëror i Zgjedhjeve, Ilirjan Celibashi, në raportimin vjetor para Komisionit të Ligjeve deklaroi se pavarësisht kohës së shkurtër që pati në dispozicion, KQZ  përmbushi në kohë detyrat për administrimin e procesit të 25 prillit teksa i paraqiti Ligjeve edhe raportin lidhur me të gjithë veprimtarinë e insitucionit të administrimit të zgjedhjeve për fazën përgatitore për zgjedhjet parlamentare të 2021.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51