Votimi i Altin Binajt si anëtari i 5-të i Kushtetueses, Gjonaj: Të jetë sa më parë funksionale

Ministrja e Drejtësisë, Etilda Gjonaj ka përshëndetur miratimin e anëtarit të 5-të të Gjykatës Kushtetuese, Altin Binaj di dhe veprimin shpejtë të KED për vlerësimin e kandidatëve. Gjonaj shkruan e Gjykata Kushtetuese dhe ajo e Lartë duhet të jenë sa më shpejt funksionale dhe se po bëhet gjithçka nga institucionet që kjo të behet e mundur.

"Vendimi sot i Kuvendit të Shqipërisë për zgjedhjen e anëtarit të Gjykatës Kushtetuese, tregon qartazi se mazhoranca është tërësisht e angazhuar për zbatimin e Reformës në Drejtësi deri në fund, si një angazhim ndaj qytetarëve dhe për të avancuar në integrimin evropian! Përshëndes përpjekjet e KED për të përfunduar në kohën më të shkurtër të mundshme proçesin e verifikimit dhe vlerësimit të kandidatëve me qëllim plotësimin e vendeve në Gjykatën Kushtetuese! Gjykata Kushtetuese dhe Gjykata e Lartë duhet të plotësohen tërësisht sa më shpejt dhe është përgjegjësi e të gjitha institucioneve të përfshira, për ta bërë të mundur funksionimin e plotë të tyre", shkruan Gjonaj ne twitter.

Lajmi kryesor:

'Kushtetuesja' drejt funksionimit/ Miratohet me 96 vota pro Altin Binaj si anëtari i 5-të, mbetet vetëm plotësimi i vakancës së Metës! Kim: Lajm i madh, KED të veprojë shpejt

TAG:
• gjykata kushtetuese
• KED
• Kuvendi i Shqiperise
• Altin Binaj
• Yuri Kim
• Peter Zingraf