POP 5

Lajmet më të lexuara të 5 minutave të fundit

Kronikë

Rrahën për vdekje me levë e dru 23-vjeçarin në një lokal tallavaje në Korçë, kapet pas 5 vitesh autori i tretë!

Në pranga ka rënë Angel Miçani, i cili dyshohet si bashkëpunëtor i pronarit të lokalit tallava ku ndodhi ngjarja, Olsi Zyberi dhe truproja i tij Llazar Dine.

Rrahën për vdekje me levë e dru 23-vjeçarin në një lokal tallavaje në Korçë, kapet pas 5 vitesh autori i tretë!

Mikel Osmani

KORÇË- Ka shkuar në tre numri i personave të arrestuar për vrasjen e Mikel Osmanit mesnatën e 29 Gushtit të 2016-s në një lokal tallavaje në Korçë.

Në pranga ka rënë Angel Miçani, i cili dyshohet si bashkëpunëtor i pronarit të lokalit tallava ku ndodhi ngjarja, Olsi Zyberi dhe truproja i tij Llazar Dine. Ka qenë nëna e 23-vjeçarit e cila ka ngritur zërin duke thënë se i përfshirë në vrasjen e djalit të saj ishte i përfshirë edhe Angel Miçani, i arrestuar sot pas katër vitesh. Kjo ngjarje është trajtuar edhe në emisionin investigativ "Stop" ku është publikuar edhe videoja nga momenti i sherrit, ku si pasojë e plagëve të marra 23-vjeçari ndërroi jetë në spital. I arrestuari shihet në video, ku identifikohet nga xhupi i errët me kapuç të bardhe dhe me levë në dorë

Siç është raportuar më herët, Marsel Osmani ka qenë duke pirë në lokalin në pronësi të Olsi Zyberit, shkak i sherri mendohet të ketë qenë një grua. Sherri ka nisur në lokal dhe më pas është zhvendosur në parkimin e lokalit, ku Olsi Zyberi dhe Llazar Dine e kanë qëlluar me levë dhe dru.

Njoftimi i policisë
Shkon në 3 numri i të ndaluarve, në lidhje me ngjarjen e ndodhur më datë 29.08.2016, në një lokal në afërsi të fshatit Dishnicë, ku pas një konflikti me sende të forta, gjeti vdekjen një 23-vjeçar. Ndalohet bashkëpunëtori i tretë i kësaj ngjarjeje, për veprën penale "Plagosja e rëndë me dashje" me pasojë vdekje, kryer në bashkëpunim.

Nga shërbimet e Komisariatit të Policisë Korçë, u bë ekzekutimi i vendimit penal për ndalimin e shtetasit A. M., 33 vjeç, banues në Korçë. Gjykata e Rrethit Gjyqësor Korçë, ka caktuar për këtë shtetas masën e sigurisë "Arrest në burg", në lidhje me ngjarjen e ndodhur më datë 29.08.2016, në një lokal në rrugën nacionale Korçë-Bilisht, në afërsi të fshatit Dishnicë, Korçë, ku pas një konflikti për motive të dobëta, shtetasit O. Z., dhe Ll. D., (pronari i lokalit dhe truproja), kanë plagosur me sende të forta shtetasin M. O, i cili si pasojë e plagëve të marra, ka gjetur vdekjen disa ditë pas ngjarjes, në Spitalin e Traumës në Tiranë. Nga veprimet e mëtejshme hetimore dhe provat e grumbulluara, rezulton se bashkëpunëtor me dy shtetasit e mësipërm (të cilët janë ndaluar më parë nga Policia) ishte edhe shtetasi A. M. Materialet në ngarkim të tij, i kaluan Prokurorisë pranë Gjykatës së Shkallës së Parë Korçë për veprime të mëtejshme.

Rendit zhvillimet sipas orarit:
Ora 12:28
I rrahën për vdekje djalin në Korçë, e ëma flet pas arrestimit të autorit të 3: Angeli e goditi me makinë, pastaj me levë! Më në fund drejtësi (VIDEO)

Adelina Trimi e ëma e Mikel Osmanit i cili u rrah për vdekje mesnatën e 29 Gushtit të 2016-s në një lokal tallavaje në Korçë ka reaguar pas arrestimit të autorit të tretë Angel Miçani.

Ajo thotë se e dinte që Miçani ishte i përfshirë dhe se kishte kërkuar prej 5 vitesh që të arrestohej. Sipas saj Angel Miçani e ka goditur me makinë djalin e saj më pas me leva.

“Djalin e masakruan, e kanë goditur me leva dhe dru, kishte shenja në të gjithë trupin, në kokë ishte goditur me levë dhe djali kishte vdekur në vend jo në spital. Unë e dija që i përfshirë ishte Angel Miçani sepse ai e goditi me makinë dhe më pas me leva duke i thyer edhe brinjët.

Kam 5 vjet që kam kërkuar të vihet para përgjegjësisë Angeli sepse në CD që paraqisja në gjykatë dukej që ai ishte bashkëpunëtor.

Më në fund drejtësia u vendos, falë mediave që e kanë trajtuar këtë ngjarje të rëndë që i ndodhi djalit tim. Kërkoj dënim maksimal për të tre autorët sepse më morën dritën e syve, unë vetëm atë djalë kisha, dhe tani jam e vetme”, tha ajo.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Zgjedhjet në Kosovë/ Deputeti i LDK-së: Në 4 vite, Kurti bleu 582 milionë € energji në bashkëpunim me kompani serbe! Në dialogun me Serbinë sillet si ‘one man shoë'

Zgjedhjet në Kosovë/ Deputeti i LDK-së: Në 4 vite, Kurti bleu 582 milionë € energji në bashkëpunim me kompani serbe! Në dialogun me Serbinë sillet si ‘one man shoë'

27 Dhjetor, 19:50