POP 5

Lajmet më të lexuara të 5 minutave të fundit

Kronikë

Vrasja brutale e çiftit të moshuar në Dropull, mister autorët, 12 të shoqëruar! Në varrim dhe vajza e birësuar, erdhi nga Athina

12 persona janë shoqëruar në polici për vrasjen e çiftit të moshuar në Dropull, në cilësinë e personave që mund të kenë dijeni për autorët apo rrethanat e vrasjes brutale me sende të forta. Ndërsa të afërmit, mes tyre dhe vajza e birësuar u dhanë lamtumirën e fundit Kosta dhe Kleoniqi Ilias.  

Sot të afërmit e ardhur nga Greqia dhe bashkëfshatarët në Bodrisht të Dropullit u dhanë lamtumirën e fundit çiftit të moshuar, Kosta dhe Kleoniqi Ilia. Ata do të perhen bashkë në një varr!  

Burrë e grua u gjetën pa jetë në banesë mëngjesin e së enjtes. Çifti 80-vjeçar jetonte vetëm në Dropull, ndërsa sot në varrim ka ardhur vajza e birëruar e cila jeton në Athinë.

Rrethanat e vdekjes së Kosta dhe Kleoniqi Ilia janë ende të paqarta, fillimisht u dyshua për dhunë në familje, pasi banesa nuk ishte e thyer. Ndërsa disa orë pas krimit, policia u orientua drejt pistës së vrasjes.

Alarmi është dhënë mbrëmjen e 1 majit nga motra e viktimës, Kloeniqi Ilia. Pasi s’ka mundur të lidhet me motrën në telefon ajo ka njoftuar fqinjen. Mëngjesin e 2 Majit fqinja ka gjetur të pajetë çiftin. Kloeniqi Ilia në dhomën e gjumit me shenja dhune në trup, ndërsa Kosta Ilia me plagë në kokë në oborrin e shtëpisë.

Pas këqyrjes së vendit të ngjarjes, duke parë se nuk ka pasur hyrje me dhunë në banesë, policia ka pretenduar se mund të ketë ndodhur një sherr mes tyre, edhe pse të dy ishin të moshuar, përkatësisht burri 84-vjeç dhe gruaja 88-vjeçe.  Po ashtu, nga kontrolli që ka kryer policia ka parë që Kosta kishte një shumë parash në xhep, meqënëse merrte pension në shtetin grek.

Por pas hetimeve intensive dhe pas kryerjes se autopsisë nga mjeket ligjore, policia ka ndryshuar pistën dhe ka ka kryer shoqërimet e para. Burime për Report TV thanë se mjekët ligjorë të mbërritur nga Tirana kanë provuar se plagët në trupat e dy të moshaurve janë shkaktuar nga sende të forta dhe mjete prerëse.

Janë 12 banorë të zonës të shoqëruar në komisariat, në cilësinë e personave që mund të kenë dijeni për krimin brutal. Policia nuk ka dhënë asnjë detaj mbi këta persona, ndërsa bëhet me dije se hetimet vijojnë deri në zbardhjen e plotë të ngjarjes.

Policia e Gjirokastrës ndërkohë po hulumton për zbulimin e vrasësit/vrasësve si dhe gjetjen e armës apo armëve të ftohta, përdorur në krim.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24