Të akuzuarit që janë të burgosur, akuzuan trupin gjykues se janë kërcënuar me vdekje dhe se kundër tyre është kryer tentativë për t'i vrarë në qelinë e burgut, por që askush nuk ka reaguar. Më pas ata janë larguar nga salla e gjyqit duke sharë gjykatësin edhe të pranishmit në sallën.
“Erdhën të na vrisnin në qeli në Koridhalo. Dua të diskutohet tani”, tha Arbër Bako dhe gjykatësi i kërkoi të bisedojë me prokurorin.
“Kemi thënë dhe nuk bënë asgjë. Po të doni të vazhdojmë gjyqin, le të vijë këtu tani. Ne bëmë luftë të gjejmë kush janë truri dhe ju nuk doni t’ia dini. Nëse ju paguajnë, ti vini… Jeni të gjithë të vdekur”, ju përgjigjën të akuzuarit gjykatësve.
Dy shqiptarët u larguan në shenjë proteste nga seanca gjyqësore. Të dy akuzohen edhe për porositjen e vrasjes së avokatit grek Mihalis Zafiropulos më 12 tetor 2017. Pas largimit të tyre, seanca vazhdoi normalisht. Gjyqi vijon më 24 janar, ndërsa një kurd ka pohuar se është paguar për të eliminuar dy shqiptarët.
Arber Bako dhe Olti Dulçe
VIDEO e arrestimit te njerit prej autoreve te vrasjes
Redaksia Online
A.D/shqiptarja.com