POP 5

Lajmet më të lexuara të 5 minutave të fundit

Kronikë

Vrasja e babë e bir në Dukagjin, shkak dyshohet një sherr i ndodhur një vit më parë mes 57-vjeçarit dhe një bashkëfshatari

Vrasja e babë e bir, Gjokë dhe Eduard Gurrajt, pak ditë më parë në fshatin Sumë në Dukagjin është ende pa autor! Policia e Shkodrës i ka përqendruar hetimet në një konflik që dyshohet se Gjokë Gurra ka pasur një vit më parë me një bashkëfshatarin e tij

Vrasja e babë e bir në Dukagjin, shkak dyshohet një sherr i ndodhur një vit më parë mes 57-vjeçarit dhe një bashkëfshatari

Eduard Gurra dhe Gjokë Gurra

Vrasja e babë e bir, Gjokë dhe Eduard Gurrajt, pak ditë më parë në fshatin Sumë në Dukagjin është ende pa autor! Policia e Shkodrës i ka përqendruar hetimet në një konflik që dyshohet se Gjokë Gurra ka pasur një vit më parë me një bashkëfshatarin e tij. 57-vjeçari dhe i njohuri i tij, i cili është në hetim nga policia, është konfliktuar me grushte vitin e kaluar dhe shkak i sherrit asokohe është bërë tregtimi i lëndëve drusore.

Gjokë Gurra ka qenë polic në Shkodër deri në 2008 dhe më pas ka punuar me transport lëndësh drusore. Veç pistës që babë e bir kishin aktivitet të tregtimit të lëndës drusore, policia ka ngritur edhe atë të konflikteve për mbjelljen e kanabis sativa.

Babë e bir u qëlluan me breshëri kallashnikovi, pasditen e datës 29 qershor, në fshatin Sumë, ndërsa ishin brenda në makinë duke udhëtuar drejt banesës së tyre të djegur në Dukagjin, e cila ishte djegur qëllimisht. Ata janë qëlluar për vdekje në një kthesë në një zonë të pyllëzuar, afro 500 metër pa mbërritur tek banesa e djegur.

Autori i kanë zënë pritë pasi kanë pasur informacionin e saktë se dy viktimat po shkonin drejt banesës së tyre të djegur dhe aty nga distanca i kanë qëlluar me breshëri plumbash. Djegia e shtëpisë, një ditë para atentatit dyshohet se është organizuar me qëllim që t’i ngrinin pritën babë e bir të cilët kishin vite që banonin në Shkodër. Autori besohet të ketë vepruar i vetëm, por nuk përjashtohet mundësia që të jetë ndihmuar edhe nga persona të tjerë për t'u larguar.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Nën akuzë për korrupsion në zgjedhjet e 6 marsit 2022, SPAK kërkon 1 vit burg për kryebashkiakun e Rrogozhinës Edison Memolla

Nën akuzë për korrupsion në zgjedhjet e 6 marsit 2022, SPAK kërkon 1 vit burg për kryebashkiakun e Rrogozhinës Edison Memolla

27 Dhjetor, 14:09