POP 5

Lajmet më të lexuara të 5 minutave të fundit

Kronikë

Vrasja e biznesmenit Shkëlzen Kastrati në Fier, Apeli vendos 19 vite burg për Albert Zajën, përfiton ulje dënimi

Gjykata e Apelit të Juridiksionit të Përgjithshëm ka dënuar me 19 vjet burgim Albert Zajën, i cili vrau në 2021 Shkëlzen Kastrati. Nga gjykimi i shkurtuar ai do të vuajë 12 vite e 8 muaj burg.

Vrasja e biznesmenit Shkëlzen Kastrati në Fier, Apeli vendos 19 vite burg për Albert Zajën, përfiton ulje dënimi

Shkëlzen Kastrati dhe Albert Zaja

Gjykata e Apelit të Juridiksionit të Përgjithshëm ka dënuar me 19 vjet burgim Albert Zajën, i cili  akuzohet për vrasjen e biznesmenit Shkëlzen Kastrati ngjarje kjo e ndodhur në qytetin e Fierit më 1 shkurt të 2021. Zaja do të kryeje vetëm 12 vite e 8 muaj burg për shkak të  gjykimi i shkurtuar.

Për vrasjen e Kastratit, krahas Zajas dyshohen si pjesëmarrës edhe disa persona të tjerë, ndërsa në kërkim janë edhe 3 bashkëpuntorët të cilët nuk janë kapur nga policia. Në listën e policisë si autor i ngjarjes përveç Albert Zajës ishte edhe Elmir Tufa, i cili u kap në Fushë-Krujë më 2 nëntor të 2023 dhe është në lënë në arrest në burg nga Gjykata e Fierit. Me kërkesë të prokurorisë, gjykata vendosi mbajtjen e të dyshuarit në qeli për vijimin e hetimeve, ndërkohë që avokati pretendoi se klienti i tij ka alibi pasi ka qenë në gjykatën e Krujës ditën kur ka ndodhur ngjarja. Ndërsa dy të dyshuarit e tjerë si bashkëpunëtorë në krim, Elson Xhecuka 29 vjeç dhe Silvio alias Roland Cara 41 vjeç, janë ende në arrati. Ata dyshohen se janë pjesë e një grupi vrasësish me pagesë.

Shkëlzen Kastrati u ekzekutua me 2 plumba në lagjen Sheq në Fier ku kishte dhe lokalin e tij brenda makinës tip Benz me të cilën po lëvizte 1 shkurtit 2021. Të katër personat sipas akuzës kanë pasur detyra të ndara në këtë atentat, pasi dy i janë afruar me makinë  objektivit Shkëlzen Kastrati, duke qëlluar njëri prej tyre. Sipas aktit të ekspertimit, Kastrati është qëlluar nga një distancë e afërt, duke i shkaktuar vdekjen e menjëhershme.

Hetimet u përqendruan tek hakmarrja, pasi disa vite më parë është tentuar të vritet në atentat, vëllai i tij, Klemend Kastrati. 

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kosovë/ Lista Serbe akuzon KQZ-në se po i mohon të drejtën për vëzhgim e kontroll në ditën e zgjedhjeve

Kosovë/ Lista Serbe akuzon KQZ-në se po i mohon të drejtën për vëzhgim e kontroll në ditën e zgjedhjeve

10 Janar, 15:45