POP 5

Lajmet më të lexuara të 5 minutave të fundit

Kronikë

Atentati ndaj Elton Javorit në Fier, arrestohet njëri prej autorëve, në kërkim vëllai i tij

Sektori për Hetimin e Krimeve të Rënda i DVP Fier ka ekzekutuar masën e sigurisë të caktuar nga Gjykata e Fierit arrest me burg për vrasjen e Elton Javorit në Fier, në 10 dhjetor 2023.

Atentati ndaj Elton Javorit në Fier, arrestohet njëri prej autorëve, në kërkim vëllai i tij

Agim Gashi dhe Elton Javori

Është arrestuar sot një nga autorët e dyshuar të atentatit ndaj Elton Javorit të ndodhur në dhjetor të vitit të kaluar në qytetin e Fierit.

Sektori për Hetimin e Krimeve të Rënda i DVP Fier ekzekutoi ditën e sotme masën e sigurisë të caktuar nga Gjykata e Fierit arrest me burg për Kreshnik Gashin, pasi në bashkëpunim me vëllian e tij Agim Gashi, në 7 dhjetor 2023 vranë Elton Javorin.

Ky shtetas ishte shpallur në kërkim pasi në vitin 2023, në bashkëpunim me vëllain e tij, shtetasin A. G., (aktualisht person në kërkim), dyshohet se kanë vrarë për motive të dobëta shtetasin Elton Javorin" informoi sot policia e Fierit

Ndaj 33 vjeçarit nga Fieri rëndojnë akuzat "Vrasje me paramendim", e kryer në bashkëpunim dhe "Mbajtja pa leje dhe prodhimi i armëve, armëve shpërthyese dhe i municionit". 

"Vijon puna për kapjen e vëllait të tij Agim Gashi", informon policia. 

Elton Javori u ekzekutua në makinën e tij Porsche Cayenne, e cila u identifikua nga familjarët e tij pak metra larg banesës së tij në lagjen ‘16 prilli’ në Fier, ku autori Agim Gashi, i cili njihet edhe me emrin Agli, qëlloi me pistoletë Javorin. Ky i fundit ishte kundërpërgjigjur me armë zjarri ndaj Agim Gashit dhe vëllait të tij Kreshnik Gashi, por njëri prej plumbave të pistoletës së Agim Gashit ka rezultuar fatal për Javorin pasi e ka qëlluar në kokë.

Pista e konflikteve banale ishte shkaku që çoi në ekzekutimin e Javorit, pasi të dy, viktima dhe autori Agim Gashi, më parë kishin pasur një përplasje mes tyre, që me sa duket kishte mbetur e pasqaruar.

Viktima në Fier, është nipi i Medi dhe Demir Backës. I pari Medi Backa, i njohur si anëtar i bandës së Fierit u vra në 1997, në Masakrën e Levanit, me 23 viktima. Kurse Demir Backa u eliminua me kallshnikovë mbrëmjen e 23 tetorit 2021 në qendër të Fierit.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Kamëz/ Kërcënoi gruan dhe fëmijët se do i digjte me benzinë! Më pas i vuri flakën banesës, arrestohet 54-vjeçari (EMRI)

Kamëz/ Kërcënoi gruan dhe fëmijët se do i digjte me benzinë! Më pas i vuri flakën banesës, arrestohet 54-vjeçari (EMRI)

27 Dhjetor, 14:48