FIER- Një atentat me breshëri kallashnikovi nga ndodhur në qytetin e Fierit. Objektiv i ekzekutimit ka qenë Demir (Demi) Backa pronar i lokal 'Piazza' në qendër të qytetit. 57-vjeçari mbeti i plagosur nga atentati dhe u dërgua në spitalin e Fierit, por nuk ka mundur t'i mbijetojë plagëve të marra dhe ka ndërruar jetë. Ngjarja ka ndodhur pranë qendrës tregtare në Fier, një zonë mjaft e populluar.

Në orën 20:40, në vendin e quajtur "Rrethrrotullim i QTU-së", teksa Demir Backa ndodhej brenda mjetit të tij tip "Audi", në parkim, është qëlluar me breshëri kallashnikovi nga një mjet tjetër në lëvizje tip "Benz".

Mendohet se kanë qenë 2 autorët brenda mjetiti tip "Benz", të cilët pasi kanë ekzekutuar 57-vjeçarin, janë larguar në drejtim të Vlorës. Ata kanë djegur mjetin me targa tw vjedhura në Bypass-in e Fierit, në fshatin Daullas.

Mendohet se autorët e kanë ruajtur prej ditësh Demir Backën, dhe e kanë vëzhguar para se të kryenin atentatin. Demir (Dem) ishte vëllai i ish-anëtarit të bandës së Fierit i cili është vrarë në 1997-ën, Medi Backa, i njohur si Buc Backa.

Buc Backa u vra në masakrën e Levanit, së bashku me 23 persona të tjerë. Janë bërë më shumë se 20 vite nga ngjarjet e tmerrshme të vitit 1997, ndërsa nuk dihet nëse vrasja e Demir Backës ka lidhje më këtë masakër.

Për ngjarjen policia e Fierit, Forca e Posaçme "Shqiponja" dhe 2 grupe të FNSH kanë shkuar në vendngjarje dhe po krehin zonën për kapjen e autorit. Ndërkohë janë ngritur disa pika kontrolli në hyrje dhe dalje të qytetit të Fierit.

1635057722_demirbacka1.jpg

Viktima Demir Backa

Rendit zhvillimet sipas orarit:
Ora 23:10
Kush është Demir Backa, vëllai i ish-anëtarit të bandës së Fierit i vrarë në '97 në Masakrën e Levanit

Demir (Dem) Backa i ekzekutuar ditën e sotme pranë një qendre tregtare, ishte pronar i Bar-Restoranti  "Piazza" në Fier. Në QKB biznesi rezulton i regjistruar në emër të tij që në vitin 2013, në lagjen Apollonia, rruga "Jakov Xoxa", të Fierit.

Backa ishte vëllai i ish-anëtarit të bandës së Fierit i cili është vrarë në 1997-ën, Medi Backa, i njohur si Buc Backa.

Buc Backa u vra në masakrën e Levanit, së bashku me 23 persona të tjerë. Janë bërë më shumë se 20 vite nga ngjarjet e tmerrshme të vitit 1997, ndërsa nuk dihet nëse vrasja e Demir Backës ka lidhje më këtë masakër.

Masakra e Levanit konsiderohet si më e madhja që ndodhi gjatë trazirave të vitit 1997 ku në rrethana ende të paqarta u vranë 24 persona gjatë një përplasjeje me armë që zgjati dy orë.

Janë bërë më shumë se 24 vite nga ngjarjet e tmerrshme të vitit 1997, ndërsa kjo masakër do të kujtohet si ngjarja kur u vranë 24 persona në vetëm 6 minuta.

14 prej tyre ishin anëtarë të një prej bandave më të rrezikshme të jugut, të cilët ishin nisur për të zhdukur bandën e Zani Çaushit dhe Komitetet e Shpëtimit, të cilët atë natë kishin vendosur të mblidheshin në Vlorë.

  

(Kliko këtu për të aksesuar ekstraktin e plotë) 

I.K/Shqiptarja.com

Ora 22:00
Atentati në Fier/ Gjendet e djegur një makinë në fshatin Daullas, dyshohet të jetë e autorëve, policia nis hetimet

Mbrëmjen e sotme u ekzekutua në Fier Demir (Demi) Backa. Dy autorët me një automjet tip "Benz" kanë qëlluar me kallashnikov drejt 57-vjeçarit. Burime bëjnë me dije se fshatin Daullas është gjetur e djegur një makinë tip "Benz", e cila dyshohet të jetë e autorëve. Ekspertiza policore ndodhet në vendngjarje për të zbuluar nëse makina e djegur u përket autorëve. Report Tv siguron pamjet ekskluzive nga vendi i ngjarjes tek i cili aktualisht po vijojnë hetimet. 

SI.E./Shqiptarja.com