Dëshmia e dhënë nga vëllezërit Gentjan dhe Indtrit Beqiraj para hetuesve të Durrësit, e cila çoi në zbardhjen e disa ngjarjeve kriminale, nuk e ka bindur organin e akuzës në kryeqytet. Burime nga Prokuroria e Tiranës bëjnë me dije se ka mospërputhje të deklarimeve të bëra nga dy vëllezërit për vrasjen e “Don Boskos” në datën 4 janar 2022, ku u vra gabimisht Erion Çela dhe u plagosën katër të tjerë, mes tyre edhe kamarieri i lokalit.
Për këtë arsye, prokurori i çështjes, i cili ka hetuar për më shumë se nëntë muaj vrasjen, u ka kërkuar homologëve të tij në Durrës dëshmitë zyrtare të dy vëllezërve Beqiraj. Pas administrimit, burimet theksojnë se pritet të nisin edhe njëherë verifikimet me metoda speciale. Prokuroria pritet të kryej analizimin e qelizave telefonike të personave të përfshirë në ngjarje. Pjesë e analizës do të jenë, përveç vëllezërve Beqiraj, edhe Kevin Zeneli, i dyshuar si qitës në ngjarje, Geron Hasanbelliu dhe dy nipat e tij. Prokuroria do të verifikoj nëse Hasanbelliu, shënjestër e atentatit, ishte apo jo në ato momente në ambientet e lokalit.
Ndërkohë, Report Tv mësoi se dy vëllezërit janë zbërthyer për ngjarjet kriminale, fillimisht, tek personat e grupit të Rrumit të Shijakut. Ata, morën peng në automjetin e tyre Indritin, i cili u tregoi se do të kryente vrasjen e dy personave, me urdhër të policit të burgjeve, Flamur Bejkos, duke u dhunuar. Pas kësaj, Indriti është dërguar nga njerëzit e Rrumit në polici, duke rrëfyer dhe zbardhur disa ngjarje kriminale.
Për po të njëjtin operacion, Policia e Durrësit arrestoi këtë të shtunë personin e 15 në kuadër të operacionit “Porositësi”. Zenaldo Mamaqi, 32 vjeç, ishte pjesë e grupit që kryente shitjen dhe blerjen e pistoletave dhe armëve të tjera që vëllezërit Gentjan dhe Indrit Beqiraj, me bashkëpunëtorët, përdornin për të kryer vrasjet me porosi nga Kasandër Noga dhe Flamur Bejko.
Aktualisht, dosja me 15 të arrestuar vijon të jetë në hetim të Prokurorisë së Durrësit, ndërsa akoma kjo e fundit nuk ka shpallur moskompetencë për t'ia deleguar SPAK-ut për veprën penale të grupit të strukturuar kriminal.
Lajme të tjera
-
Operacion kundër kriptovalutave në Tiranë e Shkodër! Firmosen 20 urdhër-arreste për pastrim parash, 6 janë pronarë 'këmbimi valutor'! 18 të arrestuar, 2 në kërkim, sekuestrohen 750 mijë € (EMRAT)
18 Nëntor, 10:00 -
KPK konfirmon në detyrë si Prokurore e Tiranës motrën e Ermonela Felajt
8 Nëntor, 21:49 -
'Mikrokreditë' shkojnë në SPAK! Prokuroria e Tiranës dyshon se mashtrimi u krye nga një grup kriminal
2 Nëntor, 20:25 -
Pensionet/ Rama akuza të forta prokurorisë së Tiranës: Prej vitesh prokurorët mbulojnë me trupat e tyre dosje ulëritëse të evazionit fiskal
30 Tetor, 15:02
-
Prokuroria dërgon në gjyq të shumëkërkuarin Fatjon Murati: Nuk justifikon pasuritë, i vuri nga trafiku i drogës! Të fshehura në emër të nënës e vëllezërve
24 Tetor, 10:55 -
KPA rikonfirmon në detyrë prokuroren e Tiranës Suela Salavaçi
22 Tetor, 19:11 -
Korrupsion me pacientët e sëmurë me COVID, Prokuroria kërkon 7 vite burg për Tiren, 30 vite për 5 infermieret dhe 6 për kolegen e saj! (DOSJA)
15 Tetor, 09:54 -
Incidenti i 3 efektivëve të “Shqiponjave” në Tiranë, zbardhet ekspertiza: Qëlluan me 3 plumba makinën e qytetarit, një nga predhat e dëmtuar! I vunë armën në gjoks
4 Tetor, 11:18 -
Me 61 mijë lekë pagë, punonjësja e Shërbimeve Qeveritare pronare e 6 pronave e 6 makinave! Brenda 1 muaji iu hodhën 180 mijë euro në llogari! I vëllai i dënuar në Angli (EMRI)
30 Shtator, 12:37 -
Prokuroria Tiranë kërkon burg përjetë për Roland Pulën, në 2020 vrau në Krujë vëllezërit Bardhi pasi i plagosën vëllanë
25 Shtator, 12:02 -
Në Itali 20 mijë € për diplomë, Prokuroria e Tiranës nis hetime për falsifikimin e diplomave të Wisdom! Ish rektori për Report Tv: Kishin probleme dhe me pagesat, merrnin staf pa kritere
19 Shtator, 17:34
-
Skandali me mikrokreditë, Prokuroria kërkesë 11 bankave: Lironi llogaritë e klientëve të 'MCA' e 'Final'
16 Shtator, 12:09
