POP 5

Lajmet më të lexuara të 5 minutave të fundit

Kronikë

Vrasja e Gjepalit, Tahiri: Policia nuk
njoftohet për lejet e të dënuarve

Ministri i Brendshëm, Sajmir Tahiri, ka kërkuar reformë në sistemin e lejes së burgjeve, me qëllim që kur një i dënuar del me leje të njoftohet edhe policia.
Vrasja e Gjepalit, Tahiri: Policia nuk<br />njoftohet për lejet e të dënuarve
TIRANË - Ministri i Brendshëm, Sajmir Tahiri, ka kërkuar reformë në sistemin e lejes së burgjeve, me qëllim që kur një i dënuar del me leje të njoftohet edhe policia. Duke folur në emisionin Top Story, Tahiri i është referuar ngjarjes së djeshme, ku humbi jetën një i dënuar me 25 vite burg për 5 vrasje.
 
“Autori i vrasjes së sotme ka vrarë 5 persona dhe ka qenë një person me një karrierë të pasur kriminale që ka marrë një leje shpërblyese. Mbetet të reformohet sistemi që në raste të tilla, kur persona të tillë marrin leje, të njoftohet policia”, ka deklaruar ministri Tahiri.
 
VRASJA E GAZMIR MARKUT, SERISH THEM: BRAVO POLICIA
Gjithashtu, ministri Tahiri ka mbrojtur edhe aksionin e policisë në Kënetë të Durrësit, ku mbeti i vrarë i shumëkërkuari Gazmir Marku pas shkëmbimit të zjarrit me uniformat blu: “Them bravo dhe do vazhdoj të them bravo sepse ka ikur koha kur vriteshin punonjësit e policisë. Sot nëse qëllon kundër policisë do presësh kusurin mbrapsht”, tha ai.
 
TAHIRI: PER LAZARATIN KEMI NGRITUR NJE TASK FORCE
Lidhur me çështjen e Lazaratit, ministri përsëriti qëndrimin e theksuar edhe gjatë 101-vjetorit të Policisë së Shtetit në Gjirokastër, që Lazarati është një problem kompleks dhe nuk mund të zgjidhet vetëm nga policia: “Është shqetësim publik. Ne e njohim si të tillë, por edhe në këtë rast bëjmë gabimin që bëjmë në më të shumtën ku akuzojmë policinë për gjëra që nuk mund t’i marrë përsipër Policia e shtetit.

Lazarati nuk zgjidhet vetëm me policinë. Nuk bëhet fjalë për një fshat kolektivisht kriminel, bëhet fjalë për një fshat që për shkak të pozicionit gjeografik, traditës dhe harresës ka një mbjellje të drogës goxha të zgjeruar. Vitin e kaluar pati një mbjellje masive. Ne kemi ngritur një task force me Prokurorinë e Përgjithshme dhe me Shërbimin Informativ Shtetëror për këtë”.

Redaksia online
(ac/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51