Vrasja e Ida Dervishit, Gjykata:
147 gra të rrezikuara nga burrat

147 gra janë të rrezikuara nga dhuna e bashkëshortëve të tyre vetëm në kryeqytet nga janari deri më 10 prill 2016.

Referuar shifrave të gjykatës së kryeqytetit rezulton se paditë janë regjistruar për lëshime urdhër mbrojtjeje për shkak të dhunës, presionit psikologjik, kërcënimeve për jetën.

E ndarë për 101 ditët e para të vitit 2016 rezulton se më shumë se një grua i drejtohet gjykatës në pamundësi për t'u mbrojtur nga dhuna e ushtruar.

Por çfarë ndodh kur një grua pajiset me urdhër mbrojtjeje?
Sipas vendimeve të gjykatave për të ndjekur respektimin e vendimit urdhërohet komisariati përkatës dhe shërbimi social.

Por sa realisht zbatohet ky urdhër?
Vrasja e Ida Dervishit nënës së dy fëmijëve të mitur nga bashkëshorti i saj gardist nxorri në pah se urdhëri i mbrojties ishte thjesht fiktiv.

Admir Dervishi,  burri i saj vazhdoi të mbaj armë dhe qendra e punës së Admirit, Garda e Republokës deklaroi për ReportTv se nuk kishte dijeni për konfliktin pasi po të ishte njoftuar do e kishte çarmatosur dhe pezulluar.

Vrasja e Idës dhe pse gjykata i kishte dhënë mbrojtje nuk është e vetmja, ku referuar të dënimeve janë 8 persona që janë dënuar nga 35 vite deri në burgim të përjetshëm për krimin brenda familjes.

Redaksia online
(u.s/shqiptarja.com)