Rei Meta, 33 vjeç, pretendon se nuk donte ta vriste ndërtuesin Armando Meshau, të cilin e goditi disa herë më grusht në fytyrë. Kaq mjaftoi që 55-vjeçari të dergjej përdhe i vdekur në vend në kancelarinë ku ndodhi ngjarja mesditën e së hënës 7 gusht 2023, në lagjen “Hajro Cakërri” të Vlorës.
Report Tv ka siguruar foton e një prej momenteve të sherrit mes Rei Metës dhe Armando Meshaut. Duket që sherri ka nisur brenda qendrës së Internetit dhe ata qëllojnë njëri tjetrin.
I riu para hetuesve ka treguar se i pari që ka nisur konfliktin ishte viktima. Më tej, në dëshminë e tij, ai ka rrëfyer edhe konfliktin e hershëm që ka pasur me Armandon, që sipas tij ka lindur për një copë tokë që viktima kishte blerë, por që vetë Meta kishte hyrë garant për një person të tretë për ta blerë, duke pranuar se po kryente rolin e një sekseri.
"Me Armandon u takova rastësisht në internet kafe. Po printonte disa dokumente. Me të kam pasur një konflikt të hershëm për çështje lekësh. Unë para disa kohësh kisha ndërmjetësuar tek një tjetër person që Armando të blinte një sipërfaqe toke. Ai më kishte premtuar se nëse do të mund të blinte atë tokë, unë do të përfitoja prej tij një shumë lekësh, por që nuk më tha se sa. Pas disa kohësh mora vesh se ajo sipërfaqe toke ishte blerë nga Armando dhe disa herë kam shkuar ta takoja dhe i kërkoja lekët që më kishte premtuar", ka deklaruar Rei Meta.
Më tej Meta u tha hetuesve se e ka goditur për vetëmbrojtje dhe pretendon se 55-vjecari humbi jetën nga përplasja me tokën, ose ndonjë objekt tjetër brenda internet kafesë, në momentin kur është rrëzuar përtokë pas grushteve.
Ndërkohë, Report Tv mëson se pas kqyrjes së pamjeve të kamerave të sigurisë, dallohet që Armand Mashau ka qenë i pari që ka nisur t’i flas dhe më pas e ka shtyrë Rei Metën. Kaq ka mjaftuar që sherri të niste dhe i riu ta godiste me gruste, të cilët rezultuan fatal.
Pamjet e kamerave kanë përputhshmëri edhe me deklarimet e 10 personave që u shoqëruan për t’u marrë në pyetje në cilësinë e dëshmitarëve. Rei Meta rezulton të jetë djali i anëtares së Këshilli të Lartë të Prokurorisë, Nurihan Meta (Seiti).
Një tjetër burim pranë Policisë së Vlorës i tha Report Tv se ka dyshime se Rei Meta shpesh luante rolin e sekserit për çështje të pronave në qytetin e Vlorës dhe influencën e tij e shtrinte duke përdorur emrin e së emës, Nurihan Seiti, prej vitesh anëtare Këshilli të Lartë të Prokurorisë.
Mimoza Koçiu, këshilltare për mediat pranë Inspektorit të Lartë të Drejtësisë në një reagim për shqiptarja.com tha se "Çështjen e ka në ndjekje ILD"
Viktima Armando Meshau dhe Rei Meta (Momenti i zënkës)
Zëdhënësja e PD-së, Mirela Karabina ka dhënë një prononcim për mediat për ngjarjen e rëndë që ndodhi në Vlorë ku Rei Meta, i biri i anëtares së KLP-së Nurihan Meta vrau inxhinierit Armando Meshau pas një sherri në Vlorë. Karabina thotë se kjo e fundit duhet të japë dorëheqjen nga posti i saj.
“Për shkak të dhunës të ushtruar nga shtetasi Rei Meta, djali i anëtares së Këshillit të Lartë të Prokurorisë, Nurihan Meta, humbi jetën shtetasi Armando Meshau; si dhe faktet e bëra publike nga hetimet paraprake, të cilat dëshmojnë se djali i anëtares së KLP-së vepronte si sekser duke përdorur emrin dhe prestigjin e postit të së ëmës,
kërkojnë një hetim të thelluar jo vetëm të krimit të kryer nga Rei Meta, por edhe të këtyre akuzave publike që sot rëndojnë mbi znj. Nurihan Meta.
Prandaj, në respekt të ligjit dhe për shkak të detyrës të lartë që mbulon, Partia Demokratike i bën thirrje znj. Nurihan Meta të japë dorheqjen për t’i hapur rrugën drejtësisë.
Çdo ditë që zj.Nurihan Meta mban detyrën e anëtares së KLP-së, përbën një cënim të rëndë të integritetit të KLP-së, si edhe bëhet pengesë për hetimin dhe zbardhjen e shpejtë dhe të plotë nga ana e prokurorisë, të kësaj ngjarje kriminale.
Prokuroria nuk mund të jetë nën presion për shkak të konfliktit të interesit që rëndon mbi të nga ana e anëtarëvë të KLP-së.
Partia Demokratike mbështet prokurorinë për një hetim të gjithëanshëm të kësaj ngjarje të rëndë në të cilën humbi jetën z. Armando Meshau, dhe në këto orë të trishta, ne shprehim ngushëllimet tona për familjen e të ndjerit.”- tha ajo.
Report Tv ka siguruar foton e moment të sherrit mes Rei Metës dhe Armando Meshaut. Ata duket që po qëllojnë njëri tjetrin brenda qendrës së internetit në Vlorë ku ndodhi edhe ngjarja një ditë më parë.
Si pasojë e grushteve që mori, ndërtuesi Armando Meshau humbi jetën.
Djali i anëtares së KLP-së pretendon se viktima nisi i pari sherrin. Ai u tha hetuesve se nuk donte ta vriste, ndërsa konflikti me të ka nisur për një tokë që ai kishte ndërmjetësuar si sekser që Armando ta blinte dhe më pas nuk kishte marrë pjesën e parave që i ishin premtuar.
Dëshmitë e dëshmitarëve të cilët ishin aty kur ndodhi konflikti mes ndërtuesit Armando Meshau dhe djalit të anëtares së Këshillit të Lartë të Prokurorisë Rei Meta kanë zbardhur dinamikën e ngjarjes së rëndë.
Ndërkohë i riu ka treguar se ai kishte ndërhyrë si sekser për një sipërfaqe toke të cilën Armando Meshau e kishte blerë më pas dhe për këtë ai kishte kërkuar që ti jepte lekët që i kishte premtuar.
Gazetari i Report TV, Sokol Dema zbardh dëshminë e tij
"Me Armandon u takova rastësisht në internet kafe. Po printonte disa dokumente. Me të kam pasur një konflikt të hershëm për çështje lekësh. Unë para disa kohësh kisha ndërmjetësuar tek një tjetër person që Armando të blinte një sipërfaqe toke. Ai më kishte premtuar se nëse do të mund të blinte atë tokë, unë do të përfitoja prej tij një shumë lekësh, por që nuk më tha se sa. Pas disa kohësh mora vesh se ajo sipërfaqe toke ishte blerë nga Armando dhe disa herë dhe kam shkuar ta takoja i kërkoja lekët që më kishte premtuar."
Vijojnë hetimet për të zbardhur vdekjen e ndërtuesit Armando Meshau mesditën e 7 gushtit në qytetin e Vlorës.
Deri tani 10 persona janë marrë në pyetje dhe të gjithë kanë dhënë të njëjtën deklaratë. Në sherr e sipër autori Rei Mete e ka qëlluar me dy grushta në fytyrë, më pas 55 vjeçari ka humbur jetën, informon gazetari i Report TV, Sokol Dema.
Meta gjithashtu pretendon se ka goditur për vetëmbrojtje dhe se vdekja e Meshaut ka qenë aksidentale pasi ai nuk ka dashur ta vriste.
Ai ka pretenduar gjatë marrjes në pyetje se 55-vjecari e ka humbur jetën nga përplasja me tokën, ose ndonjë orendi të internet kafesë, në momentin kur është rrëzuar përtokë si rrjedhojë e grushteve.
Rei Meta është djali i anëtares së Këshillit të Lartë të Prokurorisë, Nurihan Meta dhe punonte në drejtorinë e Doganave. Në anën tjetër burimet e policisë së Vlorës konfirmojnë se Rei Meta futej shpesh herë si sekser për pronat në Vlorë
Komente
Lajme të tjera
-
Vlorë/ U arrestua disa orë pasi u lirua nga amnistia, 40 ditë paraburgim Sokol Sinomati! Seanca për 'Buzëderrin' nën masa të rrepta sigurie
27 Prill, 11:06 -
Sarandë, 2 vite burg biznesmenit Pando Papuçi i konfiskohet pallati 7 katësh në ndërtim e sipër! Ishte pa leje
26 Prill, 12:46
-
Gjipe/ Po ndërtonin 4 beach bar-e pa leje, arrestohet një person, në kërkim 3 të tjerë
25 Prill, 16:24 -
I gëzohet amnistisë vetëm pak orë, Sokol Sinomati i njohur si 'Buzëderri' la qelinë në Fushë-Krujë dhe u arrestua sapo u fut në Vlorë
25 Prill, 12:23
-
Amnistia penale/ EMRAT e të dënuarve që u liruan nga burgu i Vlorës
25 Prill, 11:33
-
Delvinë/ Autobusi dhe një furgon digjen gjatë natës, shkrumbohen nga flakët
25 Prill, 11:06 -
Rrjeta e çarë e Amnistisë, INA: Edhe djali i Tom Doshit përfiton nga amnistia penale
24 Prill, 19:44 -
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot
24 Prill, 14:56 -
Basketboll femra/ Tirana mund Flamurtarin në finalen e parë
24 Prill, 12:12 -
Vlorë, 20 të dënuar lirohen sot nga burgu i Vlorës, 5 përfitojnë ulje
24 Prill, 10:19 -
Vlorë/ Shtyu amerikanen nga shkallët, nis hetimi për turisten gjermane
23 Prill, 15:36 -
Emigrantë në Vlorë, indianët: Punojmë prej dy vitesh në fabrikë, të kënaqur me punën, na mungojnë familjarët
23 Prill, 15:19
Nuk ka lidhje me vrasjen, ai e provokoi por goditjen e pare fizike e dha viktima biles pa paralajmeruar, sucker punch, dhe kushdo do te ishte pergjigjur ne ate forme. Sduhet te beje burg per kete, mund te kete 100 te keqija si djale por ketu skishte vrasje.
Përgjigjuke te drejte lela,,ne shqiperi ka mbetur llumi..
PërgjigjuTek ne sekseret e pasurive te paluajtshme jane te licensuar nga shteti dhe e kane te percaktuar sa duhet te marrin nga shitja,kurse Shqiperia eshte han pa porta.Ky vrasesi perdorte emrin e mamit,si Argita emrin e babit.Ndonje koment nga nena nuk kemi akoma ne lidhje me aktin e te birit,qe sido qe te jete,per vetembrojtje,ose jo,aksident,ose jo,prape krim shume i rende eshte.Por duket qe /djalka/ i mamit do ja hedhe lehtazi!
PërgjigjuMe cfare shihet,eshte kunder pergjigje ndaj sulmit nga i ndjeri.. mesa duket ose ka ardhur vone ambulanca,ose eshte asfiksuar nga gjuha...,veshtire te thuhet se vdiq nga 3 grushta
PërgjigjuKta tgjith njesoj jan.Sec esht nje Vis Mula mburret ne emer te motres qe si rruhet per polici e merret me bixhoze e mashtrime pronash..gjynah njerzit e thjesht jan te pambrojtur nga ky lloj llumi..
PërgjigjuJanë këto lajme që tregojnë që në Shqipëri ka mbetur llumi. Mjerë ata që s'janë llum, por s'kanë ku të venë.
PërgjigjuGoditje për vetëmbrojtje viktima e ka qëlluar I pari,normale qe djali do reagonte.Nuk ka për të bërë me shumë se dy vjet burg . Para se te godasësh sigurohu sa di të mbrohesh dhe sa larg do e mbash tjetrin!!!
Përgjigju10 vjet, vrasje pa paramendim.
Fati i keq i atij qe vdiq po kjo nuk esht vrasje . Djali duhet te lirohet . I ndjeri e goditi i pari , ky u kunderpergjigj me 3-4 grushta e fati keq
Përgjigjuvetem enveri i rregullonte keta,,i varte ne mes te qytetit....
PërgjigjuKshtu te ik jeta pre lesh ne shqipnin. Pak ranci ka se kush je
Përgjigju,,,,dhe korporata kriminale e dreqesise "gjin-gjoni me llallerine" vijon te zhvase dhe te vrase shqiptaret,,,, Deri kur,k'shtu ma?
PërgjigjuKy bisha per vrasje duhet te marre denimin e merituar me burgim maksimal
PërgjigjuE jema esht per pastrim te sistemit gjyqsor e i biri sekser.Imagjinoni ne dor te kujt ka ren drejtesia dhe shteti.Ajo duhet shkarkuar dhe mos lejuar me kurr ne sistemin e drejtesise.Rroft mafia e shtetit
PërgjigjuKy stan i fèlliqur abuzimi, ku anètaret e KLP, bèjnè sekserin mbasdite, dhe djali i saj qè "natyrisht" punon nè doganè dhe nuk ka mjaftueshèm miliona, bèn sekserin e dytè, pas mamasè,,,,kètè bulmet ka. Grykèsia e kètyre bishave, nuk njeh kufi. Kur nuk ka zbatim ligji, kur korrupsioni ulet kèmbèkryq dhe bujqit bèjnè intekektualin nga zyra e shtetit,,,atèherè mos u çuditni nèse dikush vritet dhe paguan me jetè. Nèse kini menduar se kjo administratè èshtè e korruptuar,,,prisni se nuk kini parè djemtè dhe vajzat e tyre.!!!
PërgjigjuNe burg përjetë pwr vrasje me dashje. Mamanë tja shkarkojnë urgjentisht nga KLP, dhe hetim pasuror.Dhe te filloj hetimi per Drejtorin e përgjithshëm te doganave si e ka rekrutuar ne pune ne drejtori te doganave,
PërgjigjuNuk ja shef kush hajrin djerses se tjetrit .
PërgjigjuFiks.... E me sa po' shoh 2 matrapaz -vlora ..
Vlora citta di bestie ...
PërgjigjuKalbeni ne burg pisin nese eshte sekser dallaveraxhi. Te gjithe femijet e ketyre plehrave me pushtet jane rregulluar me pune ne vende pellumbash por kjo nuk ju mjafton. Cfare do printonte sekseri ne qender interneti? Materaliale ngs drejtoria e pergjithshme e doganave? Apo dokumente nga KLP te mamase? Filloni hetimin qe nga menyra sesi eshte rekrutuar ne administrate e deri te pasuria e te jemes e cila urgjentisht duhet te shporet nga KLP.
PërgjigjuKeshtu eshte kur problemet mbi pronat nuk zgjidhen drejt nga shteti por zvarriten. Njerezit gjej zgjidhje jashte sistemit... Krijohen sisteme parLele, dhe ne fund e peson gjithmone me i dobti. Turp!
Përgjigju