Kur ka kaluar një muaj nga vrasja e Konstandinas Kaçifas në Bularat të Gjirokastrës pasi qëlloi dhe kundërshtoi me armë policinë e shtetit, ish-bashkëshortja e 35 vjeçarit ka refuzuar të jap deklarime në Prokurorinë e Krimeve të Rënda.
Report Tv ka mësuar se dy fletëthirrjeve të dërguara nga prokurori Njazi Seferi ish-gruaja e Kaçifas me të cilën ai ka dhe një vajzë të mitur 10 vjeçare nuk i është përgjigjur. Interesimit të Report Tv se në çfarë faze ndodhen hetimet për ngjarjen e Buluaratit, Krimet e Rënda iu përgjigjen se ata janë në pritje edhe të aktekspertimeve nga laboratori policisë shkencore.
Jo zyrtarisht nga grupi hetimor konfirmohet mundësia e një ekspertimi në vendin ku u gjet i vrarë Kaçifas, për mënyrën se si ai ka rrezikuar jetën e policëve dhe momenti i vrasjes nga policia për të kuptuar nëse është respektuar apo jo ligji në momentin që ai është ekzekutuar.
Si pjesë e dosjes hetimore deri në këtë fazë të hetimeve janë administruar dëshmitë e babait të Konstandinos, Jani Kaçifas, policëve dhe disa dëshmitarëve që më 28 tetor 2018 kanë parë Kaçifasin me armë duke qëlluar në qendër të fshatit.
Të shtunën më 8 tetor në fshatin Bularat përmes një meshe pritet që të përkujtohet në një ceremoni vdekja e tij, ndërsa nga policia janë marrë masa që 52 personat e shpallur të padëshiruar nga Shqiperia pas ceremonises se varrimi, të mos lejohen të futen ilegalisht.
Komente
Merruni me kocifen ju. Nga krahu tjeter Jane vrare 5 bashkombas tane e se rruan njeri gemushen
Përgjigju