Drejtori i policisë së Kosovës, Gazmend Hoxha ka dhënë detaje të tjera lidhur me rastin e vrasjes së Liridona Ademajt në Prishtinë mbrëmjen e 29 nëntorit. Në një dalje televizive, Hoxha tha se për ngjarjen e rëndë, mund të ketë edhe arrestime të tjera.
Ai shtoi se po hetohen disa pista por ende nuk mund të bëhen publike derisa të ketë një përfundim të qartë mbi motivin e vrasjes.
“Procesi hetimor vazhdon në disa faza. Policia në këtë rast është treguar shumë efikase dhe profesionale. Në afat rekord ka sqaruar vrasjen dhe ka arritur të arrestojë personat e përfshirë në këtë rast. Mbetet të zbulohet për motivin e kësaj vrasjeje. Jemi duke hetuar disa pista, por s’mund të bëj publike asgjë, derisa të kemi të kemi të qartë motivin”, ka thënë Hoxha në T7.
Më tej kreu i policisë së Kosovës tha se institucioni që ai drejton është tejet profesional dhe se nuk mjaftohet vetëm me dyshime dhe indicie.
“Policia e Kosovës ka nivel të lartë profesional. Edhe policët hetues punojnë në kohë të gjatë dhe kanë përvojë në hetim. Që në momentet e para, kemi pasur indicie që diçka nuk është në rregull. Nuk mjaftohemi me indicie, na është dashur të sigurojmë prova për të arrestuar dikë. Rasti u raportua që ka qenë grabitje. Sqarimet që janë dhënë nga vetë Naim Murseli dhe nga personat e tjerë s’kanë qenë bindëse për ne dhe kemi nxjerrë të gjitha faktet dhe dëshmitë. Është ekzaminuar gjithë procesi, kamerat që kanë shtëpitë në atë vendndodhje, ku është kryer vrasja”, ka thënë Hoxha.
Në fund ai nënvizoi se nuk është parë momenti i vrasjes pasi në atë zonë nuk ka patur kamera.
Për vrasjen e Liridona Ademajt, është arrestuar bashkëshorti i saj Naim Murseli i cili dyshohet se organizoi gjithë krimin, duke i ofruar shumën prej 30 mijë eurosh Granit Plavës që akuzohet si personi që ekzekutoi të renë. Ndërsa në burg janë edhe 2 persona të tjerë të cilët akuzohen si bashkëpunëtorë. Ditën e djeshme gjykata zgjati afatin e paraburgimit me 2 muaj për personat e arrestuar.
Komente
Lajme të tjera
-
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10 -
Ngrihet aktakuzë në mungesë për krime lufte në Kosovë
23 Dhjetor, 11:01 -
Kapet një sasi e madhe e armëve të ftohta në Prishtinë
23 Dhjetor, 09:44
Vrasësi Murseli fsheh motivin e veprës kriminale mbasi i rrezikohet jeta seriozisht ngandonje lidhje e tij e fuqishme ne sferen e larte te politikes@bisnesit....
Përgjigju