Gjykata Themelore në Prishtinë e ka dënuar me 5 vite burgim dhe 5 mijë euro gjobë Tom Dodaj, i cili është i akuzuari i katër lidhur me vrasjen e Liridona Ademajt. Dodaj akuzohej se ka shitur armën me të cilën është vrarë 30 vjeçarja.
Në seancën e sotme, Tom Dodaj pranoi fajësinë. Kryetarja e trupit gjykues, Fatime Dermaku tha se i akuzuari Tom Dodaj shpallet fajtor për veprën penale shitje e armës me të cilën është kryer edhe vrasja e rëndë e të ndjerës, Liridona Ademajt.
Avokati i Tom Dodaj, Agron Kuçi dënimin ndaj klientit të tij e konsideroi të lartë dhe sipas tij gjykata nuk i ka vlerësuar drejtë rrethanat lehtësuese. Kuçi paralajmëroi edhe ankimin në instanca më të larta.
Në seancën e sotme të shqyrtimit fillestar për vrasjen e Liridona Ademajt i akuzuari, Naim Murseli është deklaruar plotësisht i pafajshëm, Granit Plava zgjodhi të mbrohej në heshtje, ndërsa Kushtrim Kokalla u shpreh se nuk do të deklarohet rreth fajësisë pa u konsultuar me avokatin e tij, kërkesë të cilën në seancë ia mohoi kryetarja e trupit gjykues, Fatime Dermaku me arsyetimin se kanë pasur kohë të mjaftueshme për takime dhe konsultime.
Shqyrtimi fillestar për vrasjen e Liridona Ademajt dështoi më 27 janar pasi mbrojtja e Kushtrim Kokallës dhe Tom Dodajt deklaruan se nuk janë pajisur me shkresat e lëndës, sipas Kosovapress.
Si ndodhi ngjarja?
Liridona Ademaj u vra më 29 nëntor 2023 në rrugën “Dalip Alshiqi” në Prishtinë. Fillimisht ngjarja u raportua si vrasje si pasojë e grabitjes, por hetimet morën një rrjedhë tjetër, vrasësja ishte porositur pikërisht nga bashkëshorti i saj Naim Murseli.
Dy ditë më vonë, më 1 dhjetor 2023 kur edhe Liridona u përcoll në banesën e fundit, u bë arrestimi i Naim Murselit dhe Granit Plavës. Ky i fundit dyshohet se ekzekutoi Ademajn me porosi të Naim Murselit, i cili sipas tij i kishte premtuar 30 mijë euro nëse kryente vrasjen, një pjesë prej të cilave ia kishte dhënë.
Arrestimi i tretë për këtë vrasje ishte Kushtrim Kokalla, pjesëtar i Forcave të Sigurisë së Kosovës. Ndërsa po ashtu u arrestua edhe Tomë Dodaj i cili siguroi armën për kryerjen e vrasjes.
Komente
Lajme të tjera
-
Kosovë/ Një grua arrestohet nga policia, dyshohet se i ka shërbyer shërbimeve të inteligjencës serbe BIA
28 Shkurt, 20:52 -
Kosovë/ Policia me aksion në veri, konfiskohen armë, eksploziv e uniforma ushtarake, Svelça: Mbrojtja Civile vazhdon të jetë aktive tek ne
28 Shkurt, 17:06 -
Arben Qirezi: Evropa mes stabilitetit e populizmit, çfarë mësojmë nga zgjedhjet në Gjermani dhe Kosovë?
28 Shkurt, 16:15
-
Gjykata urdhëron Albin Kurtin të dëshmojë në Prokurori më 4 mars! Kryeministri i Kosovës si Berisha refuzon sërish: Intervistimi të bëhet në zyrë
28 Shkurt, 15:58 -
Zgjedhjet në Kosovë/ LVV-ja merr shumicën dërrmuese të votave të diasporës
28 Shkurt, 11:47 -
Vuante nga sëmundje e rëndë, ndërron jetë në moshën 41-vjeçare aktori shqiptar! Prej një viti trajtohej në Gjermani
27 Shkurt, 14:29 -
Zgjedhjet në Kosovë/ Numërimi i votave të diasporës, Lëvizja Vetëvendosje kryeson me mbi 80%
27 Shkurt, 14:22 -
I dënuar me 15 vite burg, Supremja refuzon kërkesën e ish-komandantit të UÇK-së, Sali Mustafës, për ulje të dënimit
26 Shkurt, 18:06 -
Kurti: Si fitues të zgjedhjeve, qytetarët presin nga ne formimin e institucioneve
26 Shkurt, 17:29 -
Freedom House: Përkeqësim i të drejtave politike dhe lirive në nivel botëror, situata në Shqipëri dhe Kosovë e pandryshuar
26 Shkurt, 17:02 -
Kosovë, të mërkurën pritet të nisë numërimi i votave të diasporës
25 Shkurt, 19:31 -
A do të largohen serbët nga policia e ushtria e Bosnjës nëse dënohet Dodiku?
25 Shkurt, 17:10
