18-vjeçarja Tina Pajollari do të qëndrojë në burg deri në përfundim të hetimeve për vrasjen e Martin Çeços. Masa e sigurisë u caktua nga gjyqtari i Korçës, Besnik Shehu, ndërsa e reja akuzohet si bashkëpunëtore në vrasjen e të dashurit të saj, i cili u gjet i mbytur në rezervuar në qershor të këtij viti në fshatin Kolanec të Maliqit.
Hetuesit besojnë se Martina Pajollari, e cila u arrestua më 14 Tetor ka nxjerrë në pritë Çeçon dhe ka qenë e pranishme në momentin kur ai u vra nga Valter Mollaj, Edlir Mollaj dhe Blenti Angjo. Avokati i autorëve të dyshuar, Valter e Edlir Mollaj hedh dyshime mbi dëshminë e të resë.
“Unë them që është influencuar por se nga kush mbetet për tu parë. Mua më krijohet përshtypja që vajza diçka di por nuk besoj kurrë që vajza ka marrë pjesë në krim. Nesër shohim deklarimet e saj kanë ndryshime thelbësore nga dëshmia e parë në të dytën”, tha avokati.
Nga seanca me dyer të mbyllura, Report TV mëson se Martina Pajollari ka ndryshuar dëshminë, duke deklaruar para trupit gjykues se janë të pavërteta të gjitha dëshmitë që ajo ka firmosur përpara policisë, mbi praninë e saj të vendit ku u ekzekutua Çeço.
Po kështu nëna e saj, Miranda Pajollari jashtë gjykatës deklaroi se policia ka ushtruar presion që 18-vjeçarja të pranojë bashkëpunimin në krim.
“Qante bërtiste çupa. Nuk është e vërtetë... Ne e morëm për tjetër gjë. I kishin thënë ka të dashur Valter Mollën, po ai sa ajo ka vajzën e tij. Janë të pafajshëm të gjithë, vajza dhe 3 djemtë. Na kërcënonin, policia kur morën vajzën dhe e futën aty në paraburgim. Të nxjerrin çupën dhe ata të tre janë të pafajshëm. Vajza ka 2 javë që është martuar, ja ku ka ardhur edhe bashkëshorti.’- u shpreh mamaja e Tinës”, tha nëna.
Pas masës së sigurisë, gjykata tntoi seancë ballafaqimi mes të resë dhe tre autorëve, por dështoi për shkak se mungonte, Blenti Angjo. Valter Mollaj së bashku me kushëririn Edlir Mollaj dhe çobanin e tyre Blenti Angjo janë të arrestuar prej 4 muajsh për vrasjen e 26-vjeçarit Martin Çeço, ngjarje e ndodhur në fshatin Kolanec të Maliqit në Qershor 2022. Nga hetimet rezulton se Valter Mollaj, kishte krijuar lidhje jashtëmartesore me 18-vjeçaren, Tina Panajolli, ndërsa kjo e fundit dyshohet se shoqërohej dhe me 26-vjeçarin Martin Çeço.
Si ndodhi vrasja
Mbrëmjen e 12 qershorit, Valter Mollaj kishte njoftuar kushëririn e tij Edlir Mollaj dhe kishte marrë bariun Blenti Angjo për tu nisur nga fshati Marjan në një destinacion të panjohur. Pasi ata arritën në fshatin Kolanec, morën në vendin e parë të ndjerin dhe u drejtuan drejt rezervuarit 4 km larg fshatit në një terren të vështirë malor. Vetë Valter Mollaj i hodhi litarin në fyt të riut Martin Çeço dhe pasi u sigurua që ai humbi jetën, e hodhi në rezervuar duke lënë pandoflat jashtë, për ta inskenuar si vetëvrasje.
Mbetet mister kush e telefonoi Martin Çeçon, i cili doli nga banesa rreth orës 22:00 për të mos u kthyer më. Autorët e dyshuar Valter Mollaj dhe Edlir Mollaj nuk kanë pranuar asnjë fakt përpara gjykatës mbi ngjarjen.
I fejuari i Tina Pajollarit që u la sot në burg, Artion Ferraj ka pranuar të flasë në lidhje me ngjarjen e rëndë dhe të dëshmojë se kur vendosi nisjen e lidhjen e tij, pavarësisht se kjo e fundit ndodhej në “mesin” e akuzave për vrasjen e Martin Çeços. Ai ka treguar se njihet me Tinën prej 3 muajsh.
“Unë jetoj në Marjan prej dy vitesh dhe merrem me bagëti këtu në mal. Njihem prej 3 muajsh me Tina Pajollarin, kemi folur prej 15 ditësh në telefon dhe pastaj jemi takuar. Më pas jemi lidhur, qëndruam prej 15 ditësh në fshat dhe pastaj e mora në shpi. Ne të martuar nuk jemi me letra, por familjes së saj iu thashë që unë Tinën do ta marr për nuse.
Unë e dija për çështjen dhe e kam pyetur disa herë për vrasjen e Çeços. Qan kur e pyes. Nuk është e vërtetë mendoj, është e pafajshme.
Arrestimin e Tinës e mësova ndërsa isha këtu në fshat, dhe morëm vesh se kishte ardhur urdhër-arresti. E kam çuar vetë te Prokuroria. Pasi doli në orën 4, më thanë që “ka bërë vrasje me paramendim”’, është shprehur i fejuari i Tina Pajollarit, për emisionin 'Uniko'.
Martina Pajollari, 18-vjeçarja e akuzuar si bashkëpunëtore në vrasjen e Martin Çeços, me të cilin kishte një lidhje ka shpërthyer në lot pas përfundimit të seancës gjyqësore në Korçë. Në videon e siguruar nga Report Tv, 18-vjeçarja me pranga në duar del e përlotur nga ambientet e gjykatës.
Miranda Pajollari, mamaja e Martina Pajollarit, e arrestuar tashmë si bashkëpunëtore në vrasjen e Martin Çeços, u shpreh se vajza e saj është e pafajshme. Ajo tha se po ashtu edhe tre të arrestuarit e tjerë për vrasjen janë të pafajshëm. Mamaja e 18-vjeçares zbuloi se vajza e saj ka vetëm 2 javë që është martuar.
‘Qante bërtiste çupa. Nuk është e vërtetë... Ne e morëm ë për tjetër gjë. I kishin thënë ka të dashur Valter Mollën, po ai sa ajo ka vajzën e tij. Janë të pafajshëm të gjithë, vajza dhe 3 djemtë. Na kërcënonin, policia kur morën vajzën dhe e futën aty në paraburgim. Të nxjerrin çupën dhe ato të tre janë të pafajshëm. Vajza ka 2 javë që është martuar, ja ku ka ardhur edhe bashkëshorti.’- u shpreh mamaja e Tinës.
Ka dështuar seanca e zhvilluar ditën e sotme për Martina Pajollarin e cila akuzohet se ka qenë e implikuar në vrasjen e 26-vjeçarit Martin Çeços. Shkak është bërë mos prezenca e Blenti Angjos , pasi nuk është thirrur nga gjykata.
“Duhet të jenë edhe trashëgimtarët e viktimës në këtë seancë pasi i takon gjykimit të themelit ndaj dëshmia merret me 3she gjyqtarësh dhe argumenti që ka përdorur gjykata është ndryshimi i cilësisë procedurale që ka Pajollari e cila është vendosur nën hetim”, ka thënë avokati Nevzat Tarelli.
Gjykata refuzoi të marrë dëshminë e saj. Sot ka pasur edhe një argument më shumë, ku Martina Pajollari ka mohuar totalisht deklarimet, ajo thotë se personat që janë të arrestuar janë të pa përfshirë në ngjarje
Burime për Report Tv thonë se Martina Pajollari gjatë seancës së sotme për sigurim prove ka deklaruar para trupi gjykues se janë të pavërteta të gjitha dëshmitë që ajo ka thënë dhe firmosur përpara policisë. Rreth ngjarjes ajo ka deklaruar se ka qenë në vendin ku ka ndodhur krimi vetëm herën kur është shoqëruar nga policia drejt vendngjarjes.
Nga hetimet dhe marrja në pyetje e të akuzuarit Blenti Angjo dhe Martina Pajollarit del një fakt tjetër i ri që ka të bëj me dëshminë e tyre në të cilën të dyja herët, ajo më Korçë dhe ai në burgun e Peqinit, kanë deklaruar ekzaktësisht të njëjtat gjëra, çka hedh dyshimin për në vërtetësinë e implikimit në ngjarje të të akuzuarve.
Tjetër detaj i rëndësishëm i zbuluar gjatë ditës së sotme është se për këtë ngjarje nuk ka prova shkencore. Në vrasjen e Martin Çecos ka 4 të arrestuar por ka shumë pikëpyetje në lidhje me vrasjen e tij, pasi prova dhe detaje dalin çdo ditë në këtë ngjarje.
“Arrest me burg” është masa e sigurisë që gjykata caktoi sot për 18-vjeçaren Martina Pajollari, e cila dyshohet që të ketë qenë prezentë në momentin që është vrarë Martin Çeço.
Nevzat Tarelli, avokati i kushërinjve Edlir dhe Valter Mollaj ka dhënë një deklaratë lidhur me seancën e sotme.
Sipas deklarimit të avokatit ditën e sotme vajza është deklaruar para gjykatës dhe nuk dihet qartësisht nëse arrestimi i saj është kryer për shkak të kërkesës sigurim prove apo nëse prokuroria ka siguruar fakte të tjera të cilat e implikojnë vajzën me rol aktiv në krim.
Avokati ka hedhur hije dyshimin në influencimin e deklarimeve të të pandehurve Angjo dhe Pajollari, pasi sipas tij deklarata është ndryshuar 2 herë dhe në të dyja herët të pandehurit kanë deklaruar njësoj.
Ndërkohë sipas burimeve, gjatë seancës Martina Pajollari ka hedhur poshtë të gjitha deklarimet e mëparshme duke thënë se janë të pavërteta.
“Ka dëshmi kontradiktore të vajzës dhe bariut që më kanë krijuar bindje që vajza është tërësisht në pistë të gabuar por që di diçka për ngjarjen. A po thotë të vërtetën apo fsheh të vërtetën kjo i takon hetimit.
Mbi këtë bazë dhe nga një informacion se vajza mund të largohej unë kam kërkuar në gjykatë të bëhet sigurimi i provës. Kërkesa ime është në datë 6 Tetor ndërsa gjykata ka marrë vendim në 13 Tetor në dhomë këshillimi. Mbas këtij momenti formohet trupi gjykues dhe sot ishte planifikuar në seancë marrja e dëshmisë së vajzës.
Ky vendim është marre në datë 13 dhe çuditërisht në datë 14 po gjykata ka nxjerrë vendimin arresti për vajzën çka më le një shije jo korrekte. Nëse është shkak kërkesa për sigurim prove unë dyshoj mbi mënyrën e ndikimit mbi vajzën, nëse është shkak tjetër të cilën un nuk e njoh që prokuroria ka prova mbi vajzën kjo mbetet për tu parë sot. Vajza është arrestuar si rezultat i vendimit në datë 14 në mungesë të saj. Mënyra se si gjenden në dosje dëshmi që çuditërisht kanë një rrjedhë jo normale, në momentin që Martina ka hedhur një pistë ku është verifikuar dhe s’ka dalë asgjë konkrete, atëherë, vajza ndërron një pistë tjetër. Pas dëshmisë së vajzës i merret dhe bariut e njëjta pistë, kjo nuk ka mundësi që dy persona të ndryshëm që kanë dhënë një version të gënjeshtërt të nisin po një gënjeshtër tjetër në version të ri.
Unë them që është influencuar por se nga kush mbetet për tu parë. Mua më krijohet përshtypja që vajza diçka di por nuk besoj kurrë që vajza ka marrë pjesë në krim. Nëse shohim deklarimet e saj kanë ndryshime thelbësore nga dëshmia e parë në të dytën.”, tha avokati.
Komente
Lajme të tjera
-
Pogradec/ Kapet duke transportuar lëndë drusore kontrabandë, në hetim një shtetas
1 Nëntor, 15:28
-
Serbët e Superligës dhe Serbia si 'mollë e ndaluar' për shqiptarët e sportit
30 Tetor, 12:52
-
'I thashë ik në shkollë, rrinte në telefon', plagosi me thikë të birin 15-vjeçar në Korçë, zbardhet dëshmia e babait: Po grindeshim
30 Tetor, 11:51 -
Korçë/ Ishte duke kaluar rrugën me nënën, makina përplas 4 -vjeçarin
29 Tetor, 21:23 -
Korçë/ U plagos pasi ndezi zjarr në stallë për t'u ngrohur, vdes pas disa orësh në spital
29 Tetor, 20:45 -
Korçë/ Shkatërrohet grupi që shiste drogë në shkolla e lokalet e natës, 7 në pranga! Zbulohet organizatori (EMRAT)
29 Tetor, 14:47 -
Gvozdenovic me mungesa 'kërcënon' Partizanin: Respekt, por jemi Skënderbeu
29 Tetor, 14:30 -
Korçë/ Çifti i bashkëshortëve punësohet në një stallë, gruaja nis lidhje jashtëmartesore me pronarin! 37-vjeçari synonte ta prostituonte
29 Tetor, 11:15 -
Korçë/ Operacion anti-drogë, arrestohen 6 persona! Kontrolle në banesa dhe lokale
29 Tetor, 11:07 -
Korçë/ Kishte kontrabanduar nga Greqia 1637 kuti me ilaçe, arrestohet 39-vjeçari! Nën hetim bashkëshortja farmaciste dhe vjehrri i tij
29 Tetor, 10:44 -
SPAK merr të pandehur kryebashkiakun e Devollit, akuzohet se licencoi karburantin që ishte ndërtim pa leje, Eduard Duro: Zbatova ligjin
29 Tetor, 10:38 -
Belgjika e kishte dënuar me burg përjetë, kapet në Spanjë 43-vjeçari shqiptar! Ndihmoi organizatën kriminale të vriste një person, po zbriste në aeroportin e Valencias (VIDEO)
28 Tetor, 15:49
vajza duhet trajtuar me psikolog,sepse nqs ka bere kete dhe nuk mer mbeshtetje,ajo neser do jete nje kandidate per kriminele.duhet kujdes dhe mbeshtetje njerezore sespe eshte shume e re. ajo duket komplet ne trauma.ajo pa mbeshteje sbehet me njeri normal.
PërgjigjuKeshtu ndodh moj Tina dhe nena e Tines,kur fluturon lule me lule per nektar,ndonje dite mund te perfundosh te Venus flytrap (Dionea muscipula),bime karnavore qe kap e ha insekte-(si shpjegim per gjithe shqipot qe nuk i njohin).Martesa nuk zgjidh gje,por kam pershtypjen qe ose te kane kercenuar ,ose di me shume,se ndryshe nuk shpjegohen tere keto veprime,martesa e nxituar dhe perpjekja per t'i quajtur e mbrojtur te gjithe te akuzuarit,perfshi dhe vajzen tende si te pafajshem.
PërgjigjuKeta duhen pyetur vec e vec dhe nqs deklaratat e tyre nuk perputhen, te tre jane fajtore. Avokat tra-pi thote qe vajza dicka di po nuk eshte fajtore. Cudi. Edhe Mollajt nuk jane fajtore.Cudi. Normal qe avokati do flase keshtu se eshte paguar.
PërgjigjuKjo ndermjetesja tina dhe vrasesit jane te pafajshsem. I fajshem ketu eshte viktima. Po keta qe po shikojne tabulatet cfare kerkojne ne to. Kjo vajza mund ti kete thene ne takim qe te dale ne oren 10 , duke e nxjerre ne prite.
PërgjigjuE pastaj se martina qenka martuar, na paska fituar imunitet per te mos u gjykuar dhe denuar.??! Kjo e ema na i dilka ne mbrojtje jo vetem vajzes por edhe te tjereve te perfshire ne vrasje.
PërgjigjuKalbeni ne burg kete bashke me dashnorin 50 vjeç qe kryen vrasjen. Futini ne te njeten qeli bashke me nja ca me burgim te perjetshm edhe ti perdhunojn te dy
PërgjigjuNuk eshte 50 vjec por 43 vjec...Ka pak difernze...e dyta nuk Ka ligj te quhesh e abuzuar nese vajza Ka shkuar me deshire... ligji shqiptar e percakton moshen 14 vjec...nese eshte me deshire...pra Çfare lidhje ka pedofilia,vetem injorantet me 4 klase shkolle e dijn
e para prit i here kur flet se me duket e ekzagjeruar. Kjo 18vjec mesiguri futet tek personat e abuzuar ... se nuk e gjeti dashnorin 50 vjec kur i beri vete 18 vjec. Pastaj kafshet si ai 50 vjecari pe-do-fil e maskara e kane te lehte te manipulojne nje persin si kjo. Me siguri edhe kjo duhet te gjykohet.
Kjo eshte e shume e re, por krimi i saj eshte makaber. Pamja e saj 'naive' nuk duhet te ndikoje te gjykata qe ti jape denimin maksimal. Edhe vete djalli thone, qe ka nje pamje te pafajshme.
PërgjigjuSi ka mundesi aloma me ket histori ? 4 fshatar ne nje zon te humbur nuk zbulon dot policia nepermjet tabulateve kush ka qen ??????? Kjo goca nderron deshmi njeher kam qen njeher skam qen. Tabulatet e vertetojn . Kur nuk zbuloni dot 4 fshatar te humbur, ca pritet nga kjo polici
PërgjigjuPo ca pret ti. Se shef policin qe e shoqeron me duar ne xhepa. Hahaha
Hahahha fix lale keshtu eshte . Nuk duan ta bejne kete komb...