POP 5

Lajmet më të lexuara të 5 minutave të fundit

Kronikë

Vrasja e Martinit/ 'Prindërit për arsim cilësor' 8 kërkesa Ministrisë së Arsimit dhe një paralajmërim: Pa reagim, rikthehemi në protestë të hënën në orën 17:00 (LISTA)

Vrasja e Martinit/ 'Prindërit për arsim cilësor' 8 kërkesa Ministrisë së Arsimit dhe një paralajmërim: Pa reagim, rikthehemi në protestë të hënën në orën 17:00 (LISTA)

Nga protesta e sotme te Ministria e Arsimit

1732194611_11111111111112.jpg

Nga protesta e sotme te Ministria e Arsimit

Sensibilizimi qytetar për vrasjen e 14-vjeçarit Martin Cani pas sherrit në shkollën “Fan Noli”, krim për të cilin është arrestuar një bashkëmoshatar si autor, ka sjellë edhe protestën qytetare të ditës së sotme para Ministrisë së Arsimit.

Në protestën e kësaj të enjteje, (21 Nëntor), para godinës së ministrisë ishin mbledhur edhe prindërit e nxënësve, që gjithashtu shtruan një sërë kërkesash për marrje masash, me qëllim parandalimin e ngjarjeve të tjera, rritjen e sigurisë dhe trajtimin në shkollë.

Një listë me 8 kërkesa është publikuar edhe në rrjetin social Facebook, në profilin "Prindërit për arsim cilësor", listë që është pothuajse e ngjashme me atë të publikuar nga shoqëria civile. Por me ndryshime në pikën e shtuar për “rritjen e buxhetit për arsimin në nivelin 5% të GDP”, si dhe “ushqim dhe mundësi për të mësuar e bërë detyrat”.

Mes të tjerash është edhe kërkesa për dorëheqjen e ministres së Arsimit. Nëse kërkesat nuk plotësohen, ata paralajmëruan se “rikthehemi sërish të hënënë, në orën 17:00”.

Lista me kërkesa e prindërve ndaj Ministrisë së Arsimit: 
1. Shtim i buxhetit për arsimin në nivelin 5% të GDP-së. Plotësimi i shkollave me infrastrukturë dhe staf mbështetës.
2. Rritje dhe plotësim 100% te shkollave me shërbim psiko social, në raportin 1 psikolog/ punonjës social për 200 nxënës.
3. Qëndrim i nxënësve në hapësirat e shkollës deri në orën 16:00, duke ofruar ushqim dhe mundësi për të bërë detyrat.
4. Zbatim emergjent të udhëzimit për heqjen e telefonave në orarin e mësimit. 
5. Miratimin e legjislacionit për vendosjen e filtrave parandalues të permbajtjeve me gjuhë dhune ose urrejtje për të miturit nën moshën 18 vjeç në hapësirën digjitale.
6. Çdo shkollë duhet të ketë Oficier Sigurie.
7. Krijimi i një sistemi të raportimit të rasteve ku të ndërlidhen të gjitha hallkat që nga mësuesit komuniteti i prindërve dhe drejtoritë e shkollave.
8.Dorëheqja e Ministres se Arsimit.

Postimi i 'Prindërit për arsim cilësor'


Lajmi kryesor:

Protesta për Martinin/ Prindër e nxënës para Ministrisë së Arsimit: Institucionet e papërgjegjshme vrasin! S'është zgjidhje mbyllja e TikTok! Manastirliu të japë dorëheqjen deri të hënën
A.Q/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce