Vrasja e ndërtuesit në Vlorë, djali i anëtares së KLP hyri sekser për një sipërfaqe toke: Kërkoja lekët që më kishte premtuar

Dëshmitë e dëshmitarëve të cilët ishin aty kur ndodhi konflikti mes ndërtuesit Armando Meshau dhe djalit të anëtares së Këshillit të Lartë të Prokurorisë Rei Meta kanë zbardhur dinamikën e ngjarjes së rëndë.

Ndërkohë i riu ka treguar se ai kishte ndërhyrë si sekser për një sipërfaqe toke të cilën Armando Meshau e kishte blerë më pas dhe për këtë ai kishte kërkuar që ti jepte lekët që i kishte premtuar.

Gazetari i Report TV, Sokol Dema zbardh dëshminë e tij

"Me Armandon u takova rastësisht në internet kafe. Po printonte disa dokumente. Me të kam pasur një konflikt të hershëm për çështje lekësh. Unë para disa kohësh kisha ndërmjetësuar tek një tjetër person që Armando të blinte një sipërfaqe toke. Ai më kishte premtuar se nëse do të mund të blinte atë tokë, unë do të përfitoja prej tij një shumë lekësh, por që nuk më tha se sa. Pas disa kohësh mora vesh se ajo sipërfaqe toke ishte blerë nga Armando dhe disa herë dhe kam shkuar ta takoja i kërkoja lekët që më kishte premtuar."

Lajmi kryesor:

Vrasja e ndërtuesit në Vlorë, VIDEO nga momenti i sherrit! Djali i anëtares së KLP sekser pronash, sherri për një sipërfaqe toke! Dëshmia e Metës: S'doja ta vrisja

S.G/Shqiptarja.com

TAG:
• nurihan seiti
• Vlore
• Armando Meshau
• rei meta