Sekretarja e Iniciativës Qytetare ‘SDP’, Silvana Arsoviq është shoqëruar në polici për t’u marrë në pyetje për vrasjen e eprorit të saj, Oliver Ivanoviç.
Sipas medias kosovare ‘Express’, Arsoviq është marrë sot para orës 11:00, nga zyrat e Iniciativës Qytetare 'SDP’ në veri të Mitrovicës. Shoqërimi i saj në komisariat është konfirmuar nga zëvendës kryetarja e Iniciativës, Ksenija Bozhoviq.
“Dy persona civilë kanë ardhur sot në zyrat tona dhe kanë kërkuar që Silvana të shkojë me ta në stacionin e policisë në veri të Mitrovicës, për të plotësuar deklaratën e saj rreth vrasjes së Oliverit. Ajo nuk është marrë në pyetje fare në veri, por është dërguar drejt në Prishtinë. Vërtetë nuk di çka po ndodh dhe çka ka pasur për të plotësuar në deklaratën e saj, kur Silvana tre herë ka dhënë deklaratë para prokurorit special për vrasjen e Oliverit”, ka komentuar Bozhoviq.
Po sipas të njëjtës media, ‘Kosova Press’ ka kontaktuar me zëdhënësin e Policisë, Baki Kelani, për informacione të mëtejshme, por ky i fundit përmes një SMS është përgjigjur shkurtimisht, duke thënë: “Kur të marrim ndonjë informatë do ju njoftojmë”.
Politikani serb, Oliver Ivanoviç u qëllua përpara selisë së tij në Mitrovicë më datë 16 janar. Për vrasjen e udhëheqësit të nismës qytetare 'Liri, Demokraci, Drejtësi' janë lënë në burg për një afat kohor prej 30 ditësh 3 serbë, dy prej të cilëve rezultojnë pjesë e Policisë së Kosovës. Mediat kosovare raportuan më datë 24 nëntor se 3 të dyshuarit janë arrestuar gjatë një aksioni të zhvilluar ditën e premte në veriun e Mitrovicës.
Komente
Lajme të tjera
-
Gjykata dënon katër persona me burgim për përfshirje në vrasjen e politikanit serb Oliver Ivanoviç
28 Qershor, 08:05 -
Vuçiç i kërkon falje Gjermanisë për deklaratën e ministrit serb për vrasjen e Ivanoviçit
23 Gusht 2023, 12:41 -
Pas SHBA edhe Britania e Madhe godet krimin e organizuar serb në veri të Kosovës, shpall ‘non grata’ Zvonko Veselinoviç dhe Milan Radoiçiç
9 Dhjetor 2022, 11:05
