Presidenti Aleksandër Vuçiç ka folur se prania e KFOR në veri të Kosovës është e domosdoshme. Në një intervistë për CNN, Vuçiç tha se Serbia është vendi i fundit që kishte nevojë për incidente në Kosovë.
Ai ka treguar se prezenca e pjesëtarëve të Forcave të Armatosura të Serbisë tani është më pak se zakonisht, rreth 4500 dhe se nuk ka arsye për shqetësim. Vuçiç u pyet nëse Serbia dëshiron luftë më Kosovë, por presidenti serb e mohoi kategorikisht këtë skenar ndërsa u shpreh se Beorgadi nuk dëshiron asnjë përplasje me NATO.
“Ne duam të shohim një prani më të madhe të KFOR-it në veri të Kosovës dhe Metohisë si një nga mënyrat për të garantuar sigurinë e serbëve”, tha Vuçiq.
I pyetur nëse trupat janë zhvendosur drejt Kosovës në mënyrë që Milan Radoiçiç të ketë mundësi të kalojë në Serbinë qendrore, ai ka theksuar se nuk është kështu.
“Serbia është vendi i fundit që kishte nevojë për ato incidente në Kosovë, për shkak të dinamikës së negociatave”, tha presidenti.
Presidenti serb theksoi se po bëjnë spastrim etnik dhe se numri i serbëve në Kosovë është zvogëluar në dy vitet e fundit, me 10 për qind më pak.
Në një intervistë për televizion amerikan CNN, Vuçiçi theksoi se këtu përfshihet edhe përgjegjësia e Millan Radoiçiçit, njërit prej liderëve kryesorë të serbëve të Kosovës, i cili e mori përgjegjësinë për sulmin e 24 shtatorit.
“Serbia, natyrisht, do t’i vërë para përgjegjësisë të gjithë njerëzit që kanë kryer vepra kriminale dhe janë në territorin tonë. Ai (Millan Radoiçiçi) është në territorin e Serbisë dhe prokuroria do ta bëjë punën e saj”, tha Vuçiç.
I pyetur nëse Milan Radoiçiq do të mbajë përgjegjësi duke qenë se ai e pranoi pjesëmarrjen e tij në incident, Vuçiq tha se të gjithë ata që kanë kryer vepra penale do të mbajnë përgjegjësi.
‘Radoiçiç është në dispozicion të autoriteteve shtetërore dhe prokurorët do ta bëjnë punën e tyre, theksoi Vuçiq.
Vuçiq ka thënë se Serbia ka qenë plotësisht konstruktive në negociata, se ka pranuar gjithçka dhe ka kujtuar se këtë e ka konfirmuar edhe përfaqësuesi i lartë i BE-së për politikë të jashtme dhe siguri dhe ndërmjetësues në negociata, Josep Borell.
Vuçiç pranoi për CNN se trupat ushtarake janë tërhequr nga kufiri mes dyja vendeve, pas thirrjeve nga SHBA dhe BE, teksa u justifikua me faktin se për manovrat ushtarake vendosin drejtuesit e ushtrisë dhe jo ai.
Vuçiç tha se kurrsesi nuk dëshiron një luftë me Kosovën, pasi do të ishte një konflikt me NATO-n.
“Ne gjithmonë dëgjojmë dhe kemi dëgjuar gjithmonë kur partnerët tanë na kërkonin të de-përshkallëzonim një situatë dhe ne e bëmë këtë herë, megjithëse nuk kishte arsye për një shqetësim të madh, sepse nuk kishim nevojë për asnjë lloj lufte, asnjë një lloj përplasjeje me NATO-n”, shtoi ai.
Komente
Lajme të tjera
-
Shqipëria dhe Kosova mbledhje të përbashkët Kuvendi më 20 dhjetor në Prishtinë, axhenda! Nga Rama te Kurti, ja politikanët që do mbajnë fjalime
18 Dhjetor, 17:03 -
Haxhi Shala pranon fajësinë para gjykatës në Hagë
18 Dhjetor, 15:58 -
Kosova bëhet me Muze të Gjenocidit dhe Përpjekjes për Liri
18 Dhjetor, 13:36 -
Kryetari i Kuvendit të Kosovës bëhet baba për herë të tretë, zbulon emrin e veçantë të vajzës
18 Dhjetor, 13:34 -
Zgjedhjet në Kosovë/ Emigrantët do të votojë në ambasada dhe në konsullata
18 Dhjetor, 13:30 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Dialogu/ Laçak flet pas takimeve në Bruksel: Të themelohet Asociacioni, Serbia të njohë simbolet e Kosovës
18 Dhjetor, 11:20 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
Spiunimi i BIA-s, Serbia në 'burgun digjital'
18 Dhjetor, 08:22 -
Sa bunkerë ka Serbia për raste lufte?
17 Dhjetor, 17:34 -
Skenarët e mundshëm nëse SHBA-ja i vë sanksione industrisë serbe të naftës
17 Dhjetor, 17:28 -
BE i kërkon Kosovës kthimin e serbëve në institucione, masat hiqen kur të ndërmerren hapa për uljen e tensioneve në Veri
17 Dhjetor, 17:07
Ky është mashtruesi më i paskrupullt që mund të mendohet. "Nuk duam luftê ne NATO-n" thotë e me ketë mendon të vërë në gjumë objektivat e aventurizmit të tij. Kush i beson këtij fashisti mashtrues ose është naiv foshnjarak ose me ndërgjegje vihet në shërbim të këtij aventurieri. Ai ka kohë që po përgatitet për ripushtimin e Kosovës dhe s'ka për të hequr dorë, këtë nuk e shohin qorrat dhe nuk e besojnë naivët.
PërgjigjuKerkesa e Vucicit per prani me te madhe te KFOR-it ne V.te Kosoves ngjan me ate te Rames! Nejse,ai sulmi i paramilitareve serbe ne Kosove,pavaresisht deklaratave qe perdredh tani Vucic,nuk e di pse me ngjan me ate numrin qe tentuan te benin ruset me nje nga nendeteset tona ne Vlore dikur,duket si testim i policise kosovare dhe i forcave mbrojtese te Kosoves,por dhe per te pare si e sa do te reagonin BE,U.S!
PërgjigjuIdiot, je mashtrues. Me NATO nuk lun dot se ta ka fut njehere. Po lujte bishtin ta keput dhe nje pjese tjeter.
Përgjigju