Vrasja e policit në veri të Kosovës, homazhe për efektivin e rënë në detyrë! Qeveria e Kosovës: Ftojmë qytetarët të marrin pjesë

Në një postim në Facebook, Qeveria e Republikës së Kosovës, ka njoftuar se në orën 19:00, para Stacionit Policor në Prishtinë, do të bëhen homazhe për vrasjen e policit në veri të Kosovës i cili ishte në krye të detyrës, Afrim Bunjaku.

Ata njoftuan se në nderim të policit do të jetë edhe kryeministri i Kosvës, Albin Kurti, së bashku me anëtarët e kabinetit qeveritar.

“Sonte në orën 19:00, para Stacionit Policor Qendër (rr. Luan Haradinaj) në Prishtinë, bëhet ndezja e qirinjve për policin e rënë sot në krye të detyrës, Afrim Bunjaku.  Në nderim të tij, Kryeministri i Republikës së Kosovës, Albin Kurti së bashku me anëtarë të kabinetit qeveritar do të ndezin qirinj. Ftohen të gjithë qytetarët që të marrin pjesë”, shkroi Qeveria e Republikës së Kosovës.

Lajmi kryesor:

Vrasja e policit në veri të Kosovës, SHBA e BE, KFOR e EULEX dënojnë sulmin: Të ndalen menjëherë! Ambasadorët e QUINT-it në zyrën e Kurtit

S.S/Shqiptarja.com

TAG:
• tensionet ne veri te Kosoves
• Albin Kurti