Vrasja e policit në veri të Kosovës/ Ministria e Jashtme gjermane dërgon diplomatin Sarrazin në Prishtinë: E dënojmë ashpër sulmin

Ministria e Jashtme Gjermane ka dënuar ashpër vrasjen e policit në veri të Kosovës dhe njoftuan edhe për udhëtimin e emisarit gjerman për Ballkanin Perëndimor, Manuel Sarrazin.

Ata thanë se autorët duhet të mbajnë përgjegjësi për këtë sulm dhe se grupet e armatosura të paligjshme duhet të ndalojnë së rrezikuari jetën e njerëzve.

“Dënojmë me termat më të ashpër sulmin e tmerrshëm ndaj Policisë së Kosovës. Mendimet tona janë me familjen e oficerit të vrarë dhe të plagosurit rëndë. Grupet e armatosura të paligjshme duhet të ndalojnë rrezikimin e jetëve. Autorët duhet të mbajnë përgjegjësi. Manuel Sarrazin udhëton për në Kosovë sot”, shkroi ministria e Jashtme gjermane.

Lajmi kryesor:

Vrasja e policit në veri të Kosovës, SHBA e BE, KFOR e EULEX dënojnë sulmin: Të ndalen menjëherë! Ambasadorët e QUINT-it në zyrën e Kurtit

S.S/Shqiptarja.com

TAG:
• Manuel Sarrazin
• tensione ne veri te kosoves