Nuk deshi të qëndronte në qelitë e burgut të Fierit. 37-vjeçari Albert Zaja, i vënë në pranga si i dyshuar për vrasjen e Shkëlzen Kastratit në Fier, i druhet hasmërisë. Kërkesa e tij e vetme në gjykatë ishte ta transferonin në burgun e Vlorës derisa e vërteta sipas tij të marrë zë. Megjithatë, Gjykata vendosi se i dyshuari duhet të qëndrojë në burgun e Fierit.
Albert Zaja pretendon të jetë i pafajshëm, duke thënë se me 1 shkurt, kur Shkëlzen Kastrati u ekzekutua në makinën e tij në Fier, ai ka qenë në Vlorë së bashku me një shok, dhe më pas është kthyer në shtëpinë e tij, argumente për të cilat thotë se ka fakte.
Në seancën e kësaj të mërkure, Gjykata e Fierit rikonfirmoi masën e sigurimit personal të “arrestit me burg”, dhënë më herët në mungesë ndaj 37-vjeçarit për veprën penale vrasje me paramendim e kryer në bashkëpunim.
Mbërritja në gjykatë ishte nën masa të larta sigurie, me prani të madhe policore, ndërsa vetë të dyshuarit vështirë t’i dallohej fytyra teksa hynte për në seancë, nga kapuçi në kokë dhe maska anti-Covid në fytyrë.
Albert Zaja, u arrestua pak ditë më parë në Fushë-Krujë, ndërkohë që kishte edhe pistoletë me vetë, e cila i është sekuestruar nga policia. Sipas policisë 37-vjeçari kur ka parë se është rrethuar nga RENEA ka tentuar të fshehë në baltë armën dhe ka tentuar të largohet.
Të dyshuar të tjerë si bashkëpunëtorë të tij në këtë vrasje janë Elmir Tufa, 29 vjeç, Elson Xhecuka, 27 vjeç, dhe Silvio alias Roland Cara 39 vjeç, të cilët janë ende në kërkim nga policia. 4 të rinjtë, mësohet se janë një grup vrasësish me pagesë, të cilët e kanë ndjekur viktimën për afro 2 muaj në lëvizjet e tij, deri në ekzekutimin final.
Ndaj 4 personave, Gjykata e Rrethit Gjyqësor Fier ka vendosur në mungesë masën "Arrest në burg", për veprën penale "Vrasja me paramendim” kryer në bashkëpunim.
Si ndodhi ngjarja?
Shkëlzen Kastrati u ekzekutua me dy plumba, njërin prej tyre në kokë, paraditen e 1 shkurtit, në fshatin Sheq në Fier brenda makinës së tij. Ai ka qenë në lëvizje me makinë, është qëlluar nga një person nga një makinë tip 'Range Rover'. Kastrati ka ecur disa metra duke u përplasur me një makinë tjetër që po kalonte aty.Të gjitha hetimet janë përqendruar tek hakmarrja, për shkak të së kaluarës së tij dhe të vëllait.
Pse grupi hetimor ka dyshime për një hakmarrje? 5 vite më parë është tentuar të vritet në atentat Klemend Kastrati, vëllai i Shkëlzenit. Nga ajo ngjarje humbi jetën Denis Kasaj nga Vlora, kurse Klemendi u plagos. Eliminimi i tij ishte për hakmarrje pasi nga hetimet e kryera në atë kohë ka rezultuar se Klemend Kastrati ishte i implikuar në një plagosje të vitit 2008, për shkak të një sherri makinash, por ai u dyshua dhe për një vrasje të ndodhur në vitin 2012. Shkëlzen Kastrati u ekzekutua kohën kur po shkonte në lokalin e tij në Sheq, lëvizje që e kryente çdo ditë.
Albert Zaja dhe forcat e policise
Shkëlzen Kastrati
Gjykata e Fierit ka rikonfirmuar masën e sigurisë ‘ arrest me burg pa afat’ për 37-vjeçarin Albert Zaja, pasi dyshohet se ka ekzekutuar Shkëlzen Kastratin.
Burime për Report Tv bëjnë me dije se 37-vjeçari ka kërkuar që shkojë në një burg që të jetë më i sigurt. Zaja ka deklaruar se ka frikë nga hasmëritë dhe ka kërkuar që të dërgohet në burgun e Vlorës, por përfundimisht është vendosur që të qëndrojë në burgun e Fierit.
Në sallën e gjyqit Albert Zaja ka marrë dijeni se për çfarë është arrestuar, por ka hedhur poshtë akuzën se ai ka ekzekutuar Shkëlzen Kastratin. Ai deklaron se ka qenë në Vlorë atë ditë se bashku me një shok dhe më pas është kthyer në shtëpinë e tij dhe mohon kategorikisht që të ketë kryer vrasjen.
Lajme të tjera
-
Fier/ Makina përplas të moshuarin, 71 vjeçari rëndë në spital
26 Prill, 17:43 -
Njësoj si 573 vjet më parë! Dasma e Skënderbeut me Donikën inskenohet në manastirin e Ardenicës
26 Prill, 17:27
-
Presidenti Begaj në panairin bujqësor të Lushnjes: Mirënjohje për ata që u janë rikthyer tokave, rol patriotik
26 Prill, 15:25 -
Të huajt plazh në Shqipëri pa nisur sezoni! Rrëfejnë ‘sekretet’ pse rekomandojnë Darëzezën
26 Prill, 15:12
-
Jetë kulturore në Fier! Çelet sezoni teatror deri në fund të tetorit, në skenë 11 shfaqje
25 Prill, 14:47
-
Lushnjë/ Nusja dhunon vjehrrin për pronën, vihet në hetim
25 Prill, 10:20 -
Aksident në By-passin e Lushnjes, përplasen dy mjete, dy të lënduar përfundojnë në spital
23 Prill, 19:34
-
Fier/ Mjeti shkrumbohet nga flakët, shpëton mrekullisht shoferi (VIDEO)
23 Prill, 11:27 -
Fier/ Mjeti del nga rruga dhe përfundon në kanal, drejtuesi në gjendje të dehur (VIDEO)
23 Prill, 07:34 -
Fier/ Mbeti e bllokuar në banesë, zjarrfikëset shpëtojnë të moshuarën
22 Prill, 22:33 -
Protestë në shi, fermerët e Roskovecit e Dimalit kundër ndërtimit të termocentralit në fshatin Suk 1: Të ndalet projekti ose hyjmë në grevë
21 Prill, 16:16
-
FIER/ Të dënuar me burg për vepra të ndryshme penale, arrestohen 2 të shpallur në kërkim! Kapet 24-vjeçari që theu arrestin e shtëpisë (EMRAT)
20 Prill, 16:31
