POP 5

Lajmet më të lexuara të 5 minutave të fundit

Kronikë

Vrasja e Shkëlzen Kastratit në Fier/ FNSH zbarkon në Laç, dyshohet se fshihet autorët! Disa të shoqëruar

Forcat RENEA kanë zbarkuar ditën e sotme në Laç, në kuadër të operacionit për arrestimin e autorit të vrasjes së Shkëlzen Kastratit. Policia ka dyshime të forta se në këtë zonë fshihen autorët e ngjarjesm ku aktualisht në kërkim për ngjarjen janë katër persona, Albert Zaja, Elmir Tufa, Elson Xheçuka dhe Roland Cara.

Vrasja e Shkëlzen Kastratit në Fier/ FNSH zbarkon në Laç, dyshohet se fshihet autorët! Disa të shoqëruar

Elmir Tufa dhe Albert Zaja, dy nga të kërkuarit

LAÇ- Forcat RENEA kanë zbarkuar ditën e sotme në Laç, në kuadër të operacionit për arrestimin e autorit të vrasjes së Shkëlzen Kastratit. Policia ka dyshime të forta se në këtë zonë fshihen autorët e ngjarjesm ku aktualisht në kërkim për ngjarjen janë katër persona, Albert Zaja, Elmir Tufa, Elson Xheçuka dhe Roland Cara. Dy prej tyre rezultojnë jashtë territorit të vendit, teksa mësohet se referuar sistemit TIMS, burimet thonë që janë larguar nga Kosova në njërin prej vendeve të BE. Nga sa raportohet deri më tani, ka disa persona të shoqëruar.

Si ndodhi ngjarja?
Shkëlzen Kastrati u ekzekutua me dy plumba, njërin prej tyre në kokë, paraditen e së hënës së 1 shkurtit, në fshatin Sheq në Fier brenda makinës së tij. Ai ka qenë në lëvizje me makinë, është qëlluar nga një person nga një makinë tip 'Range Rover'. Kastrati ka ecur disa metra duke u përplasur me një makinë tjetër që po kalonte aty.Të gjitha hetimet janë përqendruar tek hakmarrja, për shkak të së kaluarës së tij dhe të vëllait.

Pse grupi hetimor ka dyshime për një hakmarrje? 5 vite më parë është tentuar të vritet në atentat Klemend Kastrati, vëllai i Shkëlzenit. Nga ajo ngjarje humbi jetën Denis Kasaj nga Vlora, kurse Klemendi u plagos. Eliminimi i tij ishte për hakmarrje pasi nga hetimet e kryera në atë kohë ka rezultuar se Klemend Kastrati ishte i implikuar në një plagosje të vitit 2008, për shkak të një sherri makinash, por ai u dyshua dhe për një vrasje të ndodhur në vitin 2012. Shkëlzen Kastrati u ekzekutua kohën kur po shkonte në lokalin e tij në Sheq, lëvizje që e kryente çdo ditë. Makina e autorëve të dyshuar u gjet e djegur tek mbikalimi i Baltëzes brenda së cilës edhe automatiku.

Shkëlzen Kastrati

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • TONI TIRANE: 25/02/2021 15:42

    Kafshet te kapen

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58