POP 5

Lajmet më të lexuara të 5 minutave të fundit

Kronikë

Vrasja e të riut pas sherrit për parkimin në Shkodër, arrestohet pas një viti një prej autorëve

Një vit pas vrasjes së 33-vjeçarit Valter Fjerza në Shkodër, policia ka vënë në pranga një prej autorëve të krimit. Bëhet fjalë për 39-vjeçarin Enton Dushaj, i cili ishte ende në kërkim për këtë ngjarje të rëndë.

SHKODËR- Një vit pas vrasjes së 33-vjeçarit Valter Fjerza në Shkodër, policia ka vënë në pranga një prej autorëve të krimit. Bëhet fjalë për 39-vjeçarin Enton Dushaj, i cili ishte ende në kërkim për këtë ngjarje të rëndë.

Ai ka qenë duke lëvizur me motor kur është arrestuar, ndërsa ndaj tij rëndojnë 3 vepra penale, "Përkrahja e autorit të krimit", “Moskallëzimi i krimit” dhe “Prodhimi dhe shitja e narkotikëve”.

“Në vijim të kontrolleve për kapjen e shtetasve të shpallur në kërkim, bazuar dhe në inteligjencën policore për një shtetas në kërkim  që qarkullonte me motomjet në rrugën e fshatit Dobraç, Specialistët e Sektorit për Krimet e Rënda të DVP Shkodër, në bashkëpunim me shërbimet e Forcës së Posaçme “Shqiponja”, organizuan punën dhe si rezultat kapën e ndaluan shtetasin Enton Dushaj, 39 vjeç, banues në Shkodër.

Gjykata e Shkallës së Parë e Juridiksionit të Përgjithshëm Shkodër ka caktuar ndaj 39-vjeçarit masën e sigurisë “Arrest në burg”, për veprat penale "Përkrahja e autorit të krimit", “Moskallzimi i krimit” dhe  “Prodhimi dhe shitja e narkotikëve”, në lidhje me ngjarjen e ndodhur  më datë 21.09.2023, në fshatin Hot i Ri,  ku është vrarë me armë zjarri shtetasi Valter Fjerza”, njofton policia.

Fjerza u vra më 21 shtator 2023 pas një sherri për parkim në fshatin Hot i ri. Ai shkoi në vendngjarje për të sqaruar sherrin e të vëllait me fisin Mhilli, por sapo zbriti nga makina u qëllua me armë zjarri nga Klodian Mhilli. Një ditë pas ngjarjes së rëndë u arrestua vëllai i autorit, Paulo Mhilli. Ndërsa ende janë në kërkim kushërinjtë Klodian Mhlillit, Aleksandër, Luçiano Mhilli.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi